തൃശൂർ: കെഎസ്ഇബിയുടെ സർവീസ് വയർ കഴുത്തിൽ കുരുങ്ങി ബൈക്ക് യാത്രക്കാരന് ഗുരുതര പരിക്ക്. വരവൂർ സ്വദേശി രമേശിനാണ് ഗുരുതരമായി പരിക്കേറ്റത്. ഇയാളെ അടിയന്തര ശസ്ത്രക്രിയയ്ക്ക് വിധേയനാക്കി. അപകടനില തരണം ചെയ്തതായി ആശുപത്രി അധികൃതർ അറിയിച്ചു.
ചൊവ്വാഴ്ച രാത്രി 9 മണിയോടെ കുന്നംകുളം വെള്ളറക്കാട് മനപ്പടിയിൽവച്ചാണ് സംഭവം. സഹോദരനോടൊപ്പം ബൈക്കിൽ യാത്ര ചെയ്യുകയായിരുന്ന രമേശിൻറെ കഴുത്തിൽ കേബിളിൻറെ കമ്പി കുരുങ്ങി വാഹനത്തിൽ നിന്നും മറഞ്ഞ് വീഴുകയായിരുന്നു. കെഎസ്ഇബി പോസ്റ്റിൽനിന്ന് വീട്ടിലേക്ക് കണക്ഷൻ വലിച്ചിരുന്ന കേബിളിൻറെ കമ്പി കുരുങ്ങിയാണ് അപകടമുണ്ടായത്.
