ശ്രീനഗർ: പുൽവാമയിൽ സൈന്യം വധിച്ചവരിൽ പഹൽഗാം ഭീകരാക്രമണത്തിലെ പ്രധാനിയും ഉൾപ്പെടുന്നതായി വിവരം. പഹൽഗാം ആക്രമണത്തിൽ മുഖ്യപങ്കാളിയായ ആസിഫ് ഷെയ്ക്ക് കൊല്ലപ്പെട്ടതായാണ് വിവരം. ഇക്കാര്യത്തിൽ ഔദ്യോഗിക സ്ഥിരീകരണം ഉണ്ടായിട്ടില്ല. ഓപ്പറേഷൻ നാദർ എന്ന് പേരിട്ടിരിക്കുന്ന പോരാട്ടത്തിൽ വ്യാഴാഴ്ച രാവിലെ സൈന്യം മൂന്നു ഭീകരരെ വധിച്ചിരുന്നു. ത്രാൽ മേഖലയിലെ നാദറിൽ സൈന്യം നടത്തിയ ഓപ്പറേഷനിലാണ് ഭീകരരെ കൊലപ്പെടുത്തിയത്. സ്ഥലത്ത് ഏറ്റുമുട്ടൽ ഇപ്പോഴും തുടരുന്നതായാണ് വിവരം. നാദറിലെ ഒരു വീട്ടിലാണ് സൈന്യം ഒഴിച്ചിരുന്നത്. ഭീകരരായ യാവർ അഹമ്മദ്, ആസിഫ് അഹമ്മദ് ഷെയിഖ്, അമിർ നാസർ വാനി എന്നിവരെ സൈന്യം വധിച്ചതായാണ് വിവരം.സ്ഥലത്ത് കനത്ത ഏറ്റുമുട്ടൽ തുടരുകയാണ്. ഏറ്റുമുട്ടലിലാണ് ഭീകരരെ വധിച്ചത്.
പഹൽഗാം ആക്രമണം നടത്തിയ ഭീകരവാദികളിൽ പ്രധാനിയെ സൈന്യം വധിച്ചതായി വിവരം
