കരിമണ്ണൂർ: സ്വകാര്യ ബസിൽ നിന്നു തെറിച്ച് വീണ് ഗുരുതരമായി പരിക്കേറ്റ് ചികിൽസയിലായിരുന്ന വീട്ടമ്മ മരണമടഞ്ഞു. പന്നൂർ മംഗലത്ത്(കളമ്പാകുളത്തിൽ) പരേതനായ ഏബ്രഹാമിന്റെ ഭാര്യ അന്നക്കുട്ടിയാണ്(70) മരിച്ചത്. തിങ്കളാഴ്ച വൈകുന്നേരം 5.30-ഓടെ ചെപ്പുകുളം പള്ളിക്ക് സമീപമായിരുന്നു അപകടം. ബസ് വളവ് തിരിയുന്നതിനിടെ വാതിലിലൂടെ റോഡിലേക്ക് തെറിച്ച് വീഴുകയായിരുന്നു. മുതലക്കോടം ഹോളിഫാമിലി ആശുപത്രിയിൽ ചികിൽസയിലിരിക്കെ ഇന്നലെ ഉച്ചയ്ക്ക് രണ്ടോടെയായായിരുന്നു മരണം. സംസ്‌കാരം ഇന്ന് വൈകുന്നേരം നാലിന് പന്നൂർ സെന്റ് ജോൺസ് യാക്കോബായ സുറിയാനി പള്ളിയിൽ. മക്കൾ: ആശ, അജോ, പരേതനായ അജി. മരുമക്കൾ: രജിത, ജോയ്‌സ്.
