തിരുവനന്തപുരം: സംസ്ഥാന സർക്കാരിൻറെ ഡൽഹിയിലെ പ്രതിനിധിയായ കെ.വി തോമസിൻറെ യാത്ര ബത്ത ഉയർത്താൻ നിർദേശം. പ്രതിവർഷ തുകയായ 5 ലക്ഷത്തിൽ നിന്നും 11.31 ലക്ഷം ആക്കാൻ പൊതു ഭരണ വകുപ്പ് ധനകാര‍്യ വകുപ്പിന് ശുപാർശ നൽകി. നേരത്തെ കെ.വി തോമസിന് പ്രതി വർഷം 5 ലക്ഷം രൂപയാണ് യാത്രാ ബത്തയായി അനുവദിച്ചിരുന്നത്. എന്നാൽ യാത്രാ ആവശ‍്യങ്ങൾക്ക് 6.31 ലക്ഷം രൂപ ചെലവാകുമെന്നും അതിനാൽ യാത്രാ ബത്ത കൂട്ടണമെന്നുമായിരുന്നു ആവശ‍്യം. ഇത് പരിഗണിച്ചാണ് പൊതു ഭരണ വകുപ്പ് ധനവകുപ്പിന് ശുപാർശ നൽകിയത്.
കെ.വി തോമസിൻറെ യാത്ര ബത്ത ഉയർത്താൻ നിർദേശം
