മുംബൈ: സെൻട്രൽ റെയിൽവേയിലെ മുളുണ്ട് റെയിൽവേ സ്റ്റേഷനു മുന്നിൽ വാഹന പാർക്കിങ്ങ് നടത്തിവരുന്ന സ്വകാര്യ സ്ഥാപന ഉടമയോട് കൈക്കൂലി ആവശ്യപ്പെട്ട സംഭവത്തിൽ സ്റ്റേഷൻ മാസ്റ്റർ അറസ്റ്റിൽ. സിബിഐയുടെ സ്റ്റിങ്ങ് ഓപ്പറേഷനിലാണ് കൈക്കൂലിക്കാരന് പിടി വീണത്. പാർക്കിങ്ങിന് കരാർ ഏറ്റെടുത്ത വ്യക്തിയെ പല രീതിയിൽ ബുദ്ധിമുട്ടിച്ചിരുന്ന സ്റ്റേഷൻ മാസ്റ്റർ ഭീഷണിപ്പെടുത്തി പണം തട്ടുന്നത് പതിവായതോടെ സിബിഐക്ക് പരാതി നൽകി. തുടർന്ന് ഒരു മാസത്തോളം നിരീക്ഷിച്ച ശേഷമാണ് അറസ്റ്റിലേക്ക് നീങ്ങിയത്. പരാതിക്കാരനോട് തുടർച്ചയായി പണം ആവശ്യപ്പെട്ടതോടെ സിബിഐയുടെ നിർദേശപ്രകാരം സ്റ്റേഷനിലെ ‘സ്വീപ്പർ’ വഴി പൈസ സ്റ്റേഷൻ മാസ്റ്റർക്ക് നൽകി പൈസ കൈമാറുന്നതിനിടെ തൊണ്ടിസഹിതം ഉദ്യോഗസ്ഥൻ പിടിയിലായി. സംഭവത്തിൽ മറ്റുള്ള ഉദ്യോഗസ്ഥർക്ക് പങ്കുണ്ടോയെന്നും അന്വേഷിക്കുന്നുണ്ട്.
മൂംബൈയിൽ റെയിൽവേ സ്റ്റേഷന് മുന്നിൽ പാർക്കിങ്ങിന് കൈക്കൂലി ചോദിച്ച സ്റ്റേഷൻ മാസ്റ്റർ അറസ്റ്റിൽ
