തൊടുപുഴ: സി.ബി.എസ്.ഇ പത്ത്, പന്ത്രണ്ട് ക്ലാസ്സ് പരീക്ഷകളിൽ തൊടുപുഴ ഡീപോൾ പബ്ലിക്ക് സ്കൂളിന് മികച്ച വിജയം. പത്താം ക്‌ളാസിൽ നൂറു ശതമാനം വിജയം ലഭിച്ചു. 65 കുട്ടികളിൽ ഒൻപതു പേർ മുഴുവൻ വിഷയങ്ങൾക്കും എ വൺ നേടി. 33 വിദ്യാർഥികൾ 90 ശതമാനത്തിനുമേൽ മാർക്ക് നേടി. 28 കുട്ടികൾക്ക് ഡിസ്റ്റിങ്ഷനും നാല് കുട്ടികൾക്ക് ഫസ്റ്റ് ക്‌ളാസും ലഭിച്ചു.
491 മാർക്ക് ലഭിച്ച ആൻഡ്രിയ ജെയിംസ് സ്കൂൾ ടോപ്പറായി. പ്ലസ്.റ്റൂ പരീക്ഷ എഴുതിയ 86 കുട്ടികളിൽ ജോർജ് സുനി ബാബു, ജെഫ് ജിമ്മി മാത്യു, കെവിൻ വിനോദ്, ആൻസി ഷാജി, പല്ലവി മധു, ആർ.വാസുദേവ്, ആഗ്നസ് മാത്യു ആലുകാര, ദിയ ബിനു, ദിയ തെരേസ ബിനോയി തുടങ്ങിയവർ മുഴുവൻ വിഴങ്ങൾക്കും എ വൺ നേടി.
21 വിദ്യാർഥികൾ 90 ശതമാനത്തിനു മുകളിൽ മാർക്ക് നേടി. ദിയ തെരേസ ബിനോയി, ആർ.വാസുദേവ്, ജോർജ് സുനി ബാബു എന്നിവർ സ്കൂൾ ടോപ്പർമാരായി. വിജയികളെ സ്കൂൾ പ്രിൻസിപ്പലും പി.റ്റി.എയും അഭിനന്ദിച്ചു .
