ഭോപാൽ: മധ്യപ്രദേശിലെ സാഗർ ജില്ലയിൽ ദളിത്‌ യുവാവിനെ ഒരു സംഘം ആളുകൾ മർദിച്ചുകൊന്നു. ബറോഡിയ നോനാഗിർ ഗ്രാമത്തിലെ നിതിൻ അഹിർവാറെന്ന യുവാവിനെയാണ്‌ വ്യാഴാഴ്‌ച കൊലപ്പെടുത്തിയത്‌. യുവാവിന്റെ സഹോദരി ഭീഷണിപ്പെടുത്തുന്നതിനും മർദിച്ചതിനും എതിരെ 2019ൽ നാലു പേർക്കെതിരെ കേസ്‌ കൊടുത്തിരുന്നു. ഇതിൽ അനുരഞ്ജനത്തിനായി ചിലർ സമ്മർദം ചെലുത്തിയിരുന്നു. അത്‌ നടക്കാതിരുന്നതോടെയാണ്‌ മർദനമെന്ന്‌ സഹോദരി പറഞ്ഞു. സംഭവത്തിൽ എട്ടു പേർക്കെതിരെ കേസ്‌ എടുത്തിരുന്നു.
മധ്യപ്രദേശിൽ ദളിത്‌ യുവാവിനെ സംഘം ചേർന്ന് മർദ്ദിച്ചു കൊലപ്പെടുത്തി
