കൊച്ചി: നടിയെ ആക്രമിച്ച കേസിലെ ഒന്നാം പ്രതിയായ പൾസർ സുനിക്ക് 25,000 രൂപ പിഴയിട്ട് ഹൈക്കോടതി. തുടർച്ചയായ ജാമ്യാപേക്ഷയുമായി ഹൈക്കോടതിയെ സമീപിച്ചതിനാണ് പിഴ.
ഒരു ജാമ്യ ഹർജി തള്ളി മൂന്നു ദിവസത്തിനുശേഷം വീണ്ടും ജാമ്യഹർജി ഫയൽ ചെയ്തതിനാണ് പിഴ ചുമത്തിയത്. തുടര്ച്ചയായി ജാമ്യഹര്ജി ഫയല് ചെയ്യാന് സാമ്പത്തിക സഹായവുമായി ആരോ കര്ട്ടന് പിന്നില് ഉണ്ടെന്നും കോടതി അഭിപ്രായപ്പെട്ടു.
ഏഴ് വര്ഷമായി ജയിലില് കഴിയുന്ന പ്രതി വിവിധ അഭിഭാഷകര് വഴി ഹൈക്കോടതിയില് മാത്രം 10 തവണയാണ് ജാമ്യഹര്ജി ഫയല് ചെയ്തത്. രണ്ട് തവണ സുപ്രീംകോടതിയേയും സമീപിച്ചിട്ടുണ്ടെന്ന് കോടതി ചൂണ്ടിക്കാട്ടി.