ആലപ്പുഴ: പ്രായപൂർത്തിയാകാത്ത പെൺകുട്ടി പ്രസവിച്ച സംഭവത്തിൽ സഹപാഠി പിടിയിൽ. പ്ലസ് വൺ വിദ്യാർഥിയായ പതിനേഴുകാരിയാണ് കഴിഞ്ഞ മാസം ആൺകുഞ്ഞിനെ പ്രസവിച്ചത്. എന്നാൽ പെൺകുട്ടി പ്രസവിച്ച വിവരം അറിഞ്ഞതോടെ സഹപാഠിയായ പതിനേഴുകാരൻ നാട് വിടുകയായിരുന്നു.
എന്നാൽ പെൺകുട്ടിയെയും കുഞ്ഞിനെയും ദിവസങ്ങൾക്ക് ശേഷം അന്വേഷിച്ച് ഇറങ്ങിയതോടെയാണ് പൊലീസ് കേസ് എടുത്ത് അന്വേഷണം ആരംഭിച്ചത്. ആലപ്പുഴയിലെ ഒരു സ്വകാര്യ ആശുപത്രിയിൽ വച്ചാണ് പെൺകുട്ടി കുഞ്ഞിനെ പ്രസവിച്ചത്. പോക്സോ നിയമം പ്രകാരം ആലപ്പുഴ സൗത്ത് പൊലീസാണ് സഹപാഠിയെ അറസ്റ്റ് ചെയ്തത്.
