ന്യൂഡൽഹി: പെട്രോളിൻറെയും ഡീസലിൻറെയും എക്സൈസ് ഡ്യൂട്ടി രണ്ട് രൂപ വീതം വർധിപ്പിച്ച് കേന്ദ്ര സർക്കാർ. ഇതോടെ പെട്രോളിൻ്റെ എക്സൈസ് ഡ്യൂട്ടി ലിറ്ററിന് 13 രൂപയും ഡീസലിന് 10 രൂപയും ആയി വർധിച്ചു. യു.എസ് പ്രസിഡൻ്റ് ഡോണൾഡ് ട്രംപിൻ്റെ താരിഫ് പ്രഖ്യാപനത്തോടെ ആഗോള വിപണി നേരിടുന്ന സാഹചര്യത്തിലാണ് കേന്ദ്ര സർക്കാരിൻ്റെ നടപടി. എക്സൈസ് ഡ്യൂട്ടി വർധിപ്പിച്ച് കൊണ്ടുള്ള ഉത്തരവ് പുറത്തു വന്നു. എന്നാൽ ഇതു മൂലം ചില്ലറ വിൽപ്പനയിൽ എന്തെങ്കിലും മാറ്റമുണ്ടാകുമോ എന്ന് ഉത്തരവിൽ വ്യക്തമാക്കിയിട്ടില്ല. ഏപ്രിൽ 8 മുതൽ എക്സൈസ് ഡ്യൂട്ടിയിലെ വർധനവ് പ്രാബല്യത്തിൽ വരും.
പെട്രോൾ, ഡീസൽ തീരുവ രണ്ട് രൂപ വീതം വർധിപ്പിച്ച് കേന്ദ്രം
