കൊല്ലം: മുഖ്യമന്ത്രിയുടെ ദുരിതാശ്വാസ നിധി തട്ടിപ്പിനെ തുടർന്ന് വിജിലൻസ് നടത്തിയ പരിശോധനയിൽ മരിച്ചയാളുടെ പേരിലും ധനസഹായം തട്ടിയതായി കണ്ടെത്തി. ഒരു അപേക്ഷ, നിരീക്ഷിച്ചപ്പോഴാണ് ഇത് തെളിഞ്ഞത്. വിജിലൻസ്, ഇന്ന് അപേക്ഷകന്റെ വീട്ടിൽ പരിശോധന നടത്തുന്നതോടൊപ്പം ഇടനിലക്കാരുടെയും ഡോക്ടർമാരുടെയും മൊഴി രേഖപ്പെടുത്തുകയും ചെയ്യും.
കൊല്ലത്ത് ഇന്നലെ നടത്തിയ പരിശോധനയിലാണ് മരിച്ചയാളുടെ പേരിൽ തട്ടിപ്പ് നടന്നെന്ന് സംശയം തോന്നിയത്. തുടർന്ന് സിവിൽ സ്റ്റേഷനിലെ ഫയലിൽ അപേക്ഷകന്റേതായി നൽകിയ ഫോൺ നമ്പറിൽ വിളിച്ച് ചോദിച്ചു. അപ്പോഴാണ് അദ്ദേഹം മരിച്ചുപോയെന്ന് ബന്ധുക്കൾ പറഞ്ഞത്. സംശയത്തിന് കാരണമായത് ഇതായിരുന്നു. വ്യക്തി അപേക്ഷ നൽകുന്നതിന് മുൻപ് തന്നെ മരിച്ചിരുന്നെന്നാണ് വിവരം. അതിനാൽ തുടരന്വേഷണം മരിച്ചയാളിന്റെ പേരിൽ അപേക്ഷ നൽകി പണം തട്ടിയെന്ന സംശയത്തിന്റെ സാഹചര്യത്തിലാണ്.
