എറണാകുളം: വെള്ളിയാഴ്ച കളമശേരിയില്‍ വച്ച് മാവേലി എക്‌സ്പ്രസില്‍ നിന്ന് വീണ് അബോധാവസ്ഥയിലായ യുവതിയെപൊലീസ് രക്ഷപ്പെടുത്തി. പുലര്‍ച്ചെ 2.20നായിരുന്നു അപകടം. നെട്ടൂര്‍ സ്വദേശി സോണിയക്കാണ് പരിക്കു പറ്റിയത്. കളമശേരി സ്‌റ്റേഷനിലെ എസ്‌.ഐ കെ.എ.നജീബിന്റെ നേതൃത്വത്തിലുള്ള സംഘമാണ് യുവതിയെ രക്ഷപ്പെടുത്തിയത്. സോണിയ സുഖം പ്രാപിച്ച് വരുകയാണെന്ന് പൊലീസ് അറിയിച്ചു. അപകടം അറിഞ്ഞ ഉടൻ തന്നെ സ്റ്റേഷന്‍ മാസ്റ്റര്‍ കളമശേരി പൊലീസിനെ ബന്ധപ്പെട്ടു.
സൗത്ത് കളമശേരി ഭാഗത്തു നിന്ന് പൊലീസ് സംഘം രണ്ടു കിലോമീറ്ററോളം ട്രാക്കിന്റെ ഇരുവശങ്ങളിലുമായി തിരഞ്ഞെങ്കിലും സോണിയയെ കണ്ടെത്താന്‍ സാധിച്ചിരുന്നില്ല. വീണ്ടും മൊബൈല്‍ ടോര്‍ച്ചിന്റെ സഹായത്തോടെ കുറ്റിക്കാട്ടില്‍ നടത്തിയ തിരച്ചിലിനൊടുവിലാണ് പരിക്കേറ്റ നിലയില്‍ യുവതിയെ കണ്ടെത്തിയത്. ഉടന്‍ തന്നെ മെഡിക്കല്‍ കോളേജ് ആശുപത്രിയില്‍ എത്തിക്കുകയായിരുന്നു.
