തൊടുപുഴ: ഭിന്നശേഷിക്കാരായ ആളുകളെ പ്രോത്സാഹിപ്പിച്ച് സമൂഹത്തിന്റെ മുഖ്യധാരയിലേക്ക് എത്തിക്കുന്നതിനായി രൂപീകരിച്ച ദർശന സർവ്വീസ് സൊസൈറ്റിയുടെ എക്സോസിയ 2023 ആഘോഷവും 2021 മുതൽ എല്ലാ ശനിയാഴ്ചകളിലും നടത്തുന്ന സ്നേഹസംഗമം നൂറാം വാര ആഘോഷവും തൊടുപുഴ നാദോപാസന കൾച്ചറൽ സെന്റർ ഓഡിറ്റോറിയത്തിൽ നടത്തി.
സമാപന സമ്മേളനം മർച്ചന്റ്സ് അസോസിയേഷൻ പ്രസിഡന്റ് അജീവ് പുരുഷോത്തമൻ ഉദ്ഘാടനം ചെയ്തു. റവ.ഫാ.സോളമൻ കട്ടുപറമ്പിൽ സി.എം.ഐ അധ്യക്ഷത വഹിച്ചു. സമ്മേളനത്തിൽ ന്നശേഷിക്കാരായ പൗരന്മാർക്ക് അടുക്കളത്തോട്ടത്തിന് ആവശ്യമായ പച്ചക്കറി തൈകൾ വിതരണം ചെയ്തു.
സമ്മേളനത്തിൽ നിരവധിപേർ പങ്കെടുത്തു. സജീവ് സ്വാഗതം ആശംസിച്ചു. റവ.ഫാ.ആന്റണി ഓവേലിൽ മുഖ്യ അതിഥിയായെത്തി. പിയൂസ് കോട്ടപ്പുറം, സനൽ രാജ് തുടങ്ങിയവർ സംസാരിച്ചു. ദിനേഷ് നന്ദിയും രേഖപ്പെടുത്തി.
