തൊടുപുഴ: സംസ്ഥാന ചലച്ചിത്ര വികസന കോർപ്പറേഷന്റെയും എഫ്.എഫ്.എസ്.ഐ യുടെയും സഹകരണത്തോടെ തൊടുപുഴ ഫിലിം സൊസൈറ്റിയുടെ ആഭിമുഖ്യത്തിൽ മൺസൂൺ ചലച്ചിത്രമേള സംഘടിപ്പിക്കുന്നു. 24, 25, 26 തീയതികളിൽ തൊടുപുഴ സിൽവർ ഹിൽസ് തീയറ്ററിൽ എല്ലാ ദിവസവും വൈകിട്ട് രണ്ടു പ്രദർശനങ്ങളോടെയാണ് ചലച്ചിത്രമേള നടത്തുന്നത്.
വിഖ്യാത ചലച്ചിത്രകാരൻ മൃണാൾ സെന്നിന്റെ ജന്മശതാബ്‌ദിയുടെ ഭാഗമായി രണ്ടു പ്രത്യേക പ്രദർശനങ്ങൾ ചലച്ചിത്രമേളയിൽ ഉൾപ്പെടുത്തിയിട്ടുണ്ട്. കൂടാതെ സ്‌ത്രീ പക്ഷ സിനിമകളുടെ പ്രദർശനങ്ങളും അതിജീവനം പ്രമേയമാക്കിയ സിനിമകളുടെ പാക്കേജും അവതരിപ്പിക്കും.
മുഴുവൻ പ്രദർശനങ്ങൾക്കുമായി നൂറു രൂപയാണ് രജിസ്‌ട്രേഷൻ ഫീസ്. വിദ്യാർത്ഥിനികൾക്കും സാമൂഹ്യപ്രവർത്തകരായ വനിതകൾക്കും രജിസ്‌ട്രേഷനിൽ മുൻഗണന ഉണ്ടായിരിക്കും. തൊടുപുഴ കാഞ്ഞിരമറ്റം ബൈപാസ് റോഡിലുള്ള പഗോഡ ബുക്ക് ആർട്ടിൽ ഡെലിഗേറ്റ് രജിസ്‌ട്രേഷൻ ഫോം ലഭ്യമാണ്. ഓൺലൈനായും രജിസ്‌ട്രേഷൻ നടത്തുവാനുള്ള സൗകര്യം ഏർപ്പാടു ചെയ്‌തിട്ടുള്ളതായി ഫിലിം സൊസൈറ്റി ഭാരവാഹികൾ അറിയിച്ചു. ബന്ധപ്പെടേണ്ട നമ്പർ; 9447753482, 9447776524.
