കാഞ്ഞിരമറ്റം: നവരാത്രി ആഘോഷത്തിനായി കാഞ്ഞിരമറ്റം മഹാദേവ ക്ഷേത്രം ഒരുങ്ങി കഴിഞ്ഞു. ഇതിനോട് അനുബന്ധിച്ച് 22 മുതൽ 24 വരെ വിവിധ പരിപാടികൾ നടക്കും. മേൽശാന്തി പെരിയമന ദിലീപ് വാസുദേവൻ നമ്പൂതിരി കാർമികത്വം വഹിക്കും.
22ന് വൈകിട്ട് 5.30ന് പൂജവയ്പ്പ്, 23ന് മഹാനവമി ദിനത്തിൽ രാവിലെ 10 മുതൽ മൂകാംബിക സന്നിധിയിൽ വിദ്യാമന്ത്ര പുഷ്പാഞ്ജലി, സാരസ്വത അർച്ചന, മൂകാംബികാപൂജ, 24ന് രാവിലെ 7.15 മുതൽ വിദ്യാരംഭം, പൂജയെടുപ്പ്, ഒമ്പതിന് കാഞ്ഞിരമറ്റം ശ്രീക്കുട്ടൻ മാരാരുടെ നേതൃത്വത്തിൽ കുട്ടികളുടെ പഞ്ചാരിമേളം അരങ്ങേറ്റം തുടങ്ങിയ പരിപാടികൾ ഉണ്ടായിരിക്കും.
