ചെന്നൈ: മായാവതിയുടെ ബി.എസ്.പി പാര്‍ട്ടി തമിഴ്‌നാട് ഘടകം സംസ്ഥാന അധ്യക്ഷനെ വെട്ടിക്കൊലപ്പെടുത്തി. ചെന്നൈ കോർപറേഷൻ മുൻ കൗൺസിലറും അഭിഭാഷകനുമായ കെ ആംസ്ട്രോങ്ങിനെ വീടിന് സമീപത്ത് വച്ച് സംഘടിച്ചെത്തിയ ആറംഗ സംഘമാണ് വെട്ടി കൊലപ്പെടുത്തിയതെന്നാണ് വിവരം. ഗുരുതരമായി പരുക്കേറ്റ അദ്ദേഹത്തെ ഉടനെ തന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ആക്രമണത്തിന്‍റെ കാരണം വ്യക്തമല്ല. മൃതദേഹം ആശുപത്രി മോര്‍ച്ചറിയിൽ സൂക്ഷിച്ചിരിക്കുകയാണ്. സംഭവത്തിൽ തമിഴ്‌നാട് പൊലീസ് അന്വേഷണം ആരംഭിച്ചു.
തമിഴ്‌നാട്ടിൽ ബി.എസ്.പി സംസ്ഥാന അധ്യക്ഷനെ വഴിയിലിട്ട് വെട്ടിക്കൊലപ്പെടുത്തി
