Author name: timely news

തൊടുപുഴ: നാട്യം സ്കൂൾ ഓഫ് പെർഫോമിം​ഗ് ആർട്സ് നൃത്ത വിദ്യാലയം തൊടുപുഴ അമ്പലം ബൈപ്പാസ് റോഡിലെ മോഹനീയം ടവറിൽ നവീകരിച്ച് പ്രവർത്തനം ആരംഭിച്ചു. ഭാരതീയ നാട്യകലകൾ പ്രായഭേദമന്യേ എല്ലാവർക്കും പകർന്നു നൽകുമെന്നതോടൊപ്പം ശാസ്ത്രീയ നൃത്തങ്ങൾക്ക് ആവശ്യമായ വസ്ത്രങ്ങൾ, ആഭരണങ്ങൾ തുടങ്ങിയവയും വാടകയ്ക്ക് നൽകപ്പെടും. ഇവയുടെ വിപുലമായ ഒരു ശേഖരം തന്നെ ആളുകൾക്കായി ഒരുക്കിയിരിക്കുന്നു. നൃത്തരംഗത്ത് കഴിഞ്ഞ പത്ത് വർഷക്കാലമായി പ്രവർത്തിച്ചുവരുന്ന ഈ സ്ഥാപനം പുതിയ മേഖലയിലേക്ക് ചുവട് വച്ചിരിക്കുകയാണ്.

ആലക്കോട്: പഞ്ചായത്തിന്റെ ഇഞ്ചിയാനി – കുട്ടപ്പൻകവല റൂട്ടിൽ ജപ്പാൻ കുടിവെള്ള പദ്ധതിയുടെ പൈപ്പ് പൊട്ടി എയർ വാൽവിൽ നിന്നും കുടിവെള്ളം പുറത്തേക്ക് ഒഴുകുന്നു. രണ്ട് മാസത്തോളമായി നിരവധി ഇടങ്ങളിൽ വെള്ളം പാഴാകുന്നുണ്ട്. അമിതമായി വെള്ളം ഒഴുകുന്നത് മൂലം റോഡ് തകർന്നു തുടങ്ങി. ജല അതോറിറ്റിയുടെ കംപ്ലയിന്റ് സെല്ലിൽ പരാതി അറിയിച്ചിട്ടുണ്ട്. അടിയന്തിരമായിട്ട് ജല അഥോറിറ്റി പൈപ്പ് നന്നാക്കാനുള്ള നടപടി സ്വീകരിക്കണമെന്ന് ഇന്ത്യൻ യൂത്ത് കോൺഗ്രസ്‌ ആലക്കോട് മണ്ഡലം കമ്മിറ്റി ആവശ്യപ്പെട്ടു.

കട്ടപ്പന: കട്ടപ്പനയിൽ കാട്ടാനയെ കണ്ട് ഭയന്നോടിയ ഗർഭിണിക്ക് ദാരുണാന്ത്യം. ഇടമലക്കുടി ഷെഡുകുടിയിൽ അസ്മോഹന്റെ ഭാര്യ അംബികയാണ് മരിച്ചത്. 7 മാസം ഗർഭിണിയായിരുന്നു. ജനുവരി ആറിന് ആറ്റിൽ കുളിക്കാൻ പോകുന്ന വഴിയിൽ ബോധമില്ലാത്ത നിലയിലാണ് അംബികയെ കണ്ടെത്തിയത്. ആനകളെ കണ്ട് ഓടിയപ്പോൾ വീണതാണ് കാരണമെന്നും നാട്ടുകാർ അധികൃതരെ അറിയിച്ചു. വീഴ്ച്ചയിൽ തന്നെ ഗർഭസ്ഥ ശിശു മരിച്ചിരുന്നു. ഗുരുതര പരിക്കേറ്റ യുവതി കോട്ടയം മെഡിക്കൽ കോളെജ് ആശുപത്രിയിൽ ചികിത്സയിലായിരുന്ന യുവതി ആരോഗ്യനില വഷളായതിനെ തുടർന്ന് ഇന്ന് മരിക്കുകയായിരുന്നു.

കരിമണ്ണൂർ: സെന്റ് ജോസഫ്സ് ഹയർ സെക്കൻഡറി സ്കൂളിൽ റിപ്പബ്ലിക് ദിനാഘോഷത്തിന്റെ ഭാ​ഗമായി സ്കൂൾ മാനേജർ റവ. ഡോ. സ്റ്റാൻലി പുൽപ്രയിൽ പാതകയുയർത്തി. സ്കൂൾ പ്രിൻസിപ്പൽ ബിസോയ് ജോർജ്, ഹെഡ്മാസ്റ്റർ സജി മാത്യു, കരിമണ്ണൂർ എസ്.ഐ പി. എൻ. ദിനേശൻ, പി.റ്റി.എ പ്രസിഡന്റ്‌ ലിയോ കുന്നപ്പിള്ളി, എം.പി.റ്റി.എ പ്രസിഡന്റ്‌ ജോസ്മി സോജൻ തുടങ്ങിയവർ ചടങ്ങിൽ പങ്കെടുത്തു.

പെരിങ്ങഴ: വിശുദ്ധ യൗസേപ്പിതാവിന്റെ നാമത്തിലുള്ള തീർത്ഥാടന കേന്ദ്രമായ കോതമംഗലം രൂപതയിലെ പെരിങ്ങഴ പള്ളിയിൽ ഇടവക മധ്യസ്ഥനായ വി. യൗസേപ്പിതാവിന്റെയും ധീര രക്തസാക്ഷിയായ വി. സെബാസ്റ്റ്യാനോസിന്റെയും തിരുനാൾ 31, ഫെബ്രുവരി 01, 02 തീയതികളിൽ സംയുക്തമായി ആഘോഷിക്കും. 31ന് വൈകിട്ട് വികാരി ഫാ. പോൾ കാരക്കൊമ്പിൽ കൊടിയുയർത്തുന്നതോടെ തിരുക്കർമ്മങ്ങൾക്ക് തുടക്കമാകും. തുടർന്ന് വിശുദ്ധരുടെ തിരുസ്വരൂപങ്ങൾ പൊതുവണക്കത്തിനായി ദേവാലയാങ്കണത്തിലേക്ക് ഇറക്കിവയ്ക്കും. തിരുനാൾ ദിവസങ്ങളിൽ ദൈവാലയത്തിലേക്കെത്തുന്ന വിശ്വാസികൾക്കായി വിപുലമായ ക്രമീകരണങ്ങളാണ് ഒരുക്കുന്നത്. ഫെബ്രുവരി 03ന് തിരുനാൾ ചടങ്ങുകൾ പൂർത്തിയാകും. തിരുനാളിന് ഒരുക്കമായുള്ള

തൊടുപുഴ: ഡൽഹിയിൽ നടക്കുന്ന റിപ്പബ്ലിക് ദിനാഘോഷ പരേഡിൽ കേരള ലക്ഷദ്വീപ് ഡയറക്ടറേറ്റിനെ പ്രതിനിധീകരിച്ച് പ്രൈം മിനിസ്റ്റർ റാലിയിൽ മൂലമറ്റം സെന്റ് ജോസഫ് കോളേജിൽ നിന്നും കൃഷ്ണദാസ് ബിജു പങ്കെടുക്കും. മൂന്നാം വർഷ ബി. എസ്സി മാത്‍സ് വിദ്യാർത്ഥിയും 18 കേരള ബറ്റാലിയൻ എൻസിസി കേഡറ്റുമാണ്. എൻസിസിയുടെ കേരള ലക്ഷദ്വീപ് ഡയറക്ടറേറ്റിലുള്ള 50,000 കേഡറ്റുകളിൽ നിന്നും 116 പേരെ ഡൽഹിയിൽ നടക്കുന്ന റിപ്പബ്ലിക് ദിന പരേഡിലേക്ക് തെരെഞ്ഞെടുത്തു. മൂലമറ്റം വെള്ളിയാപ്ലാക്കൽ വി. വി ബിജുവിന്റെയും ശ്യാമള ബിജുവിന്റെയും മകനാണ്

തൊടുപുഴ: താലുക്ക് ഭരണ സിരകേന്ദ്രമായ സിവിൽ സ്റ്റേഷനിൽ റിപ്പബ്ലിക് ദിനം ആഘോഷിച്ചു. തഹസിൽദാർ കെ.എച്ച് സക്കീർ ദേശീയ പാതക ഉയർത്തി കൊണ്ട് റിപ്പബ്ലിക് ദിന സന്ദേശം നൽകി. താലൂക്ക് ഹെഡ് കോട്ടേഴ്സ് ഡെപ്യൂട്ടി തഹസിൽദാർ അനിതാമോൾ വി.പി, ഇലക്ഷൻ വിഭാഗം ഡെപ്യൂട്ടി തഹസിൽദാർ കെ.എസ് ഭരതൻ തുടങ്ങി മറ്റു വകുപ്പ് ഉദ്യോഗസ്ഥരും പരിപാടിയിൽ പങ്കെടുത്തു.

ഇടുക്കി: ജില്ലയുടെ സുവർണജൂബിലി ആഘോഷങ്ങളുടെ സമാപനവേള കൂടിയായ ഈ വർഷത്തെ റിപ്പബ്ലിക് ദിനാഘോഷം ഇടുക്കി ഐ ഡി എ ഗ്രൗണ്ടിൽ നടന്നു. ജലവിഭവ വകുപ്പ് മന്ത്രി റോഷി അഗസ്റ്റിൻ പതാക ഉയർത്തി സന്ദേശം നൽകി. ഇടുക്കിയിലെ ജനങ്ങളുടെ അടിസ്ഥാനസൗകര്യവികസനവും, കാർഷികമേഖലയുടെ പുരോഗതിയും ലക്ഷ്യമാക്കി സർക്കാർ ആവിഷ്കരിച്ച പദ്ധതികൾ ഫലം കണ്ടതായി മന്ത്രി പറഞ്ഞു. ജില്ലയിലെ ജനങ്ങളുടെ ഭൂപ്രശ്നങ്ങൾ പരിഹരിക്കാനുള്ള നടപടികൾ തുടരുകയാണെന്നും മന്ത്രി വ്യക്തമാക്കി. 22 പ്ലറ്റൂണുകളിലായി പോലീസ്, വനംവകുപ്പ്, എക്‌സൈസ്, ഫയർഫോഴ്‌സ്, എൻ സി സി,

ഇടുക്കി: മകളെ പീഡിപ്പിച്ച നെടുംകണ്ടം സ്വദേശിയായ പോക്സോ കേസ് പ്രതിയെ പിടികൂടി. വെളുപ്പിന് 2.00 മണിയോടെ ഇയാളുടെ വീടിന് സമീപത്ത് നിന്നും നെടുങ്കണ്ടം പൊലീസ് പ്രതിയെ കസ്റ്റഡിയിലെടുത്തു. നേരത്തെ രണ്ട് തവണ പൊലിസിന്റെ മുൻപിൽ പെട്ടെങ്കിലും, അതി വേഗത്തിൽ ഇയാൾ ഓടി രക്ഷപെടുകയായിരുന്നു. നെടുങ്കണ്ടം എസ് എച്ച് ഒ, സംഭവ ദിവസം സ്റ്റേഷൻ ചാർജ് വഹിച്ചിരുന്ന ഉദ്യോഗസ്ഥൻ എന്നിവർ ഗുരുതരമായ കൃത്യവിലാപം കാട്ടിയതായും കണ്ടെത്തിയിട്ടുണ്ട്. വരും ദിവസങ്ങളിൽ കൂടുതൽ പേർക്കെതിരെ നടപടി ഉണ്ടാകുമെന്ന് ഇടുക്കി എസ്പി വി

ഇടുക്കി: ശാന്തൻ പാറയിൽ കാട്ടാനയുടെ കുത്തേറ്റ് വനം വകുപ്പ് വാച്ചർ മരിച്ചു. പന്നിയാർ എസ്റ്റേറ്റിൽ ഇന്ന് രാവിലെയായിരുന്നു സംഭവം. എസ്റ്റേറ്റിൽ എത്തിയ കാട്ടാനകളെ ഓടിക്കാൻ ശ്രമിച്ചപ്പോഴാണ് അപകടം ഉണ്ടായത്. അയ്യപ്പൻകുടി സ്വദേശി ശക്തി വേൽ ആണ് മരിച്ചത്.