കോട്ടയം: വൈക്കം സത്യഗ്രഹ ആഘോഷങ്ങളിൽ നിന്നും എൻ.എസ്.എസ് പിന്മാറിയത് വിവാദമാക്കേണ്ടതില്ലെന്ന് സഹകരണ മന്ത്രി വി.എൻ വാസവൻ. എൻ.എസ്.എസ് പങ്കെടുക്കണമെന്നായിരുന്നു സർക്കാരിന്റെ ആഗ്രഹം. പക്ഷേ അവർ മറ്റൊരു നിലപാട് സ്വീകരിച്ചു.
അത് സർക്കാരിനോടുള്ള വിയോജിപ്പായി കാണുന്നില്ല. എൻ.എസ്.എസ് ന്റെ നവോത്ഥാന സംഭാവനകൾ എക്കാലത്തും ഇടതുപക്ഷം ഉയർത്തിപ്പിടിച്ചിട്ടുണ്ട്. അത് തുടരുമെന്നും വി എൻ വാസവൻ കോട്ടയത്ത് പറഞ്ഞു.
