ബാംഗ്ലൂർ: ഒരു കുടുംബത്തിലെ അഞ്ച് പേർ മരിച്ച നിലയിൽ. കടബാധ്യത മൂലമുള്ള ആത്മഹത്യയാണെന്നാണ് പ്രാഥമിക നിഗമനം. മരിച്ചവരിൽ മൂന്ന് കുട്ടികളുമുണ്ട്. തുമകുരു ജില്ലയിലാണ് സംഭവം.
ഗരീബ് സാബ്(42), ഭാര്യ സുമയ്യ(35), മക്കളായ ഹസീറ(14), സുബാൻ(10), മുനീർ(8) എന്നിവരാണ് മരിച്ചത്. വീട്ടിൽ തൂങ്ങിമരിച്ച നിലയിലായിരുന്നു. ഞായറാഴ്ച രാത്രിയാണ് മരണം നടന്നതെന്നാണ് നിഗമനം.
ആത്മഹത്യക്കുറിപ്പും ലോൺ നൽകിയവർ നിരന്തരമായി ശല്യം ചെയ്യുന്നുവെന്ന് പറയുന്ന വീഡിയോയും പൊലീസ് കണ്ടെടുത്തു. തുമകുരുവിൽ കബാബ് വിൽപ്പനക്കാരനാണ് ഗരീബ്. സംഭവവുമായി ബന്ധപ്പെട്ട് അഞ്ച് പേരെ ചോദ്യം ചെയ്ത് വരികയാണെന്ന് പൊലീസ് അറിയിച്ചു.
