മേയ് എട്ടിന് ആറ് മണിക്കൂറോളം മുംബൈ വിമാനത്താവളം അടച്ചിടുമെന്ന് അറിയിപ്പ്

മുംബൈ: മുംബൈയിലെ ഛത്രപതി ശിവാജി മഹാരാജ് അന്താരാഷ്ട്ര വിമാനത്താവളം മെയ് 8 ന് ആറ് മണിക്കൂർ അടച്ചിടുന്നു. റൺവേ അറ്റകുറ്റപ്പണികളുടെ ഭാഗമായി എല്ലാ പ്രവർത്തനങ്ങളും നിർത്തിവയ്ക്കും. മഴക്കാലമുന്നൊരുക്കങ്ങളുടെ ഭാഗമായാണ് വിമാനത്താവളത്തിന്റെ രണ്ട് റൺവേകളും രാവിലെ 11:00 നും വൈകിട്ട് 5:00 നും ഇടയിൽ അടച്ചിടുന്നത്. എല്ലാ വർഷവും പതിവുള്ളതാണ് ഈ അറ്റകുറ്റപ്പണി.