കോടിക്കുളം: റോഡിൽ കുറുകെ ചാടിയ നായയെ ഇടിച്ചു ഇരുചക്ര വാഹന സഞ്ചാരികൾ അപകടത്തിൽ പെട്ടു. ഇന്ന് രാവിലെ വണ്ടമറ്റത്താണ് അപകടം ഉണ്ടായത്. അപകടത്തിൽ പരിക്കേറ്റ കൊടുവേലി സ്വദേശികളായ യുവാക്കളെ മുതലക്കോടം ഹോളി ഫാമിലി ആശുപത്രിയിൽ പ്രേവേശിപ്പിച്ചു. അപകടത്തിൽ നടുവ് ഒടിഞ്ഞ നിലയിൽ നായ ഇപ്പോൾ റോഡരികിൽ കിടക്കുകയാണ്.
നായയ്ക്ക് ചികിത്സ ലഭ്യമാക്കാൻ ആരെ സമീപിക്കണമെന്നറിയാതെ നാട്ടുകാർ. പലയിടത്തും വിളിച്ചു പറഞ്ഞെങ്കിലും ഓരോ വകുപ്പുകളും അടുത്ത വകുപ്പിനോട് പറയാൻ നിർദേശിക്കുകയാണത്രെ.
