കല്ലൂർക്കാട്: നെടുങ്കല്ലേൽ കുടുംബയോഗം 34ആമാത് വാർഷിക പൊതുയോഗം ഏപ്രിൽ 13 ശനിയാഴ്ച രാവിലെ 9.15ന് അടിമാലി മച്ചിപ്ലാവ് സെന്റ് ഫ്രാൻസീസ് അസീസി പള്ളിയിൽ വിശുദ്ധ കുർബാനയോടെ ആരംഭിക്കും. രാവിലെ 11ന് അടിമാലി ടൗണിലുള്ള അടിമാലി ക്ലബിന്റെ എ ജോർജ് മെമ്മോറിയൽ ഹാളിൽ ചേരുന്ന പൊതുയോഗം ഇടുക്കി രൂപത വികാരി ജനറാൾ മോൺ. ജോസ് കരിവേലിക്കൽ ഉദ്ഘാടനം ചെയ്യും. കുടുംബയോഗം പ്രസിഡന്റ് ജോർജ് പോൾ അധ്യക്ഷത വഹിക്കും. സെക്രട്ടറി അഡ്വ. ജോബി ജോസ്, ട്രഷറർ ടോംസൺ ജോസഫ്, രക്ഷാധികാരി ഫാ. ജോർജ് നെടുങ്കല്ലേൽ, ഫാ. ജോർജ് നെടുങ്കല്ലേൽ എസ്.ഡി.ബി, ഡോ. ജെയിംസ് ജോർജ്, പി.ജെ ജോർജ് തുടങ്ങിയവർ പ്രസംഗിക്കും. അടിമാലി മേഖല പ്രതിനിധി ജോണി നെടുങ്കല്ലേൽ സ്വാഗതവും വൈസ് പ്രസിഡന്റ് വിൽസൺ നെടുങ്കല്ലൻ നന്ദിയും പറയും.
