കൊച്ചി: സ്വര്‍ണ വില കുറഞ്ഞു. ഗ്രാമിന് 15 രൂപയും പവന് 120 രൂപയുമാണ് താഴ്ന്നത്. ഇതോടെ ഗ്രാമിന് 4,580 രൂപയും പവന് 36,640 രൂപയുമായി. സെപ്റ്റംബര്‍ മാസത്തിലെ ഏറ്റവും താഴ്ന്ന നിരക്കിലാണ് നിലവില്‍ വ്യാപാരം പുരോഗമിക്കുന്നത്. സെപ്റ്റംബര്‍ 16ന് പവന് ഇതേനിരക്കില്‍ എത്തിയിരുന്നു.
സെപ്റ്റംബർ മാസത്തിലെ ആദ്യ വാരം സ്വർണത്തിന്‍റെ വില വർധനവ് രേഖപെടുത്തിയെങ്കിലും പിന്നീടുള്ള ദിവസങ്ങളിൽ വില താഴുന്നതായാണ് കാണാൻ സാധിച്ചത്. എന്നാൽ ഇന്നലെ സംസ്ഥാനത്ത് വീണ്ടും സ്വര്‍ണവില കൂടിയിരുന്നു. പവന് 80 രൂപയും ഗ്രാമിന് 10 രൂപയും വർധിച്ച് പവന് 36,760 രൂപയും ഒരു ഗ്രാം സ്വര്‍ണത്തിന് 4595 രൂപയുമായിരുന്നു.
