തൃശൂർ: തൃശൂർ പൂരം വെടിക്കെട്ട് അനുമതിയിൽ നിയമോപദേശം തേടാൻ ഒരുങ്ങി ജില്ലാ ഭരണകൂടം. വേല വെടിക്കെട്ടിന് ഹൈക്കോടതി അനുമതി നൽകിയ സാഹചാര്യത്തിലാണ് തൃശൂർ പൂരം വെടിക്കെട്ടിന് അനുമതി നൽകാൻ സാധിക്കുമോ എന്നാണ് ജില്ലാ ഭരണകൂടം നിയമോപദേശം തേടുന്നത്. തിരുവമ്പാടി, പാറമേക്കാവ് ദേവസ്വങ്ങൾക്ക് വേലയ്ക്ക് വെടിക്കെട്ടിന് അനുമതി ലഭിച്ച സാഹചര്യത്തിലാണ് അഡ്വക്കേറ്റ് ജനറലിനോട് നിയമോപദേശം തേടുന്നത്. വെടിക്കെട്ട് സാമഗ്രികൾ സൂക്ഷിക്കുന്ന മാഗസിൻ കാലിയാക്കുമെന്ന് ദേവസ്വങ്ങൾ സത്യവാങ്മൂലം നൽകിയതോടെയാണ് വേല വെടിക്കെട്ടിന് ദേവസ്വങ്ങൾക്ക് അനുമതി ലഭിച്ചത്. നിയമോപദേശം ലഭിക്കുന്ന രീതിയിൽ പൂരം വെടിക്കെട്ടിൻറെ കാര്യത്തിൽ അന്തിമ തീമുമാനം ഉണ്ടാകും.
തൃശൂർ പൂരം; വെടിക്കെട്ട് അനുമതിയിൽ നിയമോപദേശം തേടാൻ ഒരുങ്ങി ജില്ലാ ഭരണകൂടം
