സ്വർണ വില കുറഞ്ഞു

കൊച്ചി: സംസ്ഥാനത്ത് ആറാം ദിനവും സ്വർണ വില ഇടിവ് തുടരുന്നു. ചൊവ്വാഴ്ച(29/7/2025) പവന് 80 രൂപ കുറഞ്ഞ് ഒരു പവൻ സ്വർണത്തിൻറെ വില 73,200 രൂപയായി. ഗ്രാമിന് 10 രൂപയാണ് കുറഞ്ഞത്. 9150 രൂപയാണ് ഒരു ഗ്രാം സ്വർണത്തിൻറെ വില. ജൂലൈ 23ന് ആദ്യമായി 75,000വും കടന്ന് റെക്കോർഡിട്ട സ്വർണവില എന്നാൽ തൊട്ടടുത്ത ദിവസം മുതൽ ഇടിയുകയായിരുന്നു. ഇത്തരത്തിൽ കഴിഞ്ഞ 6 ദിവസംകൊണ്ട് 1800 രൂപയാണ് കുറഞ്ഞത്. ഈ മാസത്തിൻറെ തുടക്കത്തിൽ 72,160 രൂപയായിരുന്നു ഒരു പവൻ സ്വർണത്തിൻ്റെ വില. അതേസമയം, വെള്ളിയുടെ വിലയിൽ മാറ്റമില്ല. ഒരു ഗ്രാം സാധാരണ വെള്ളിയുടെ വിപണി വില 123 രൂപയായി തുടരുന്നു.