ഇടുക്കി: അരിക്കൊമ്പനെ മയക്കുവെടി വെച്ച ദൗത്യസംഘത്തിലെ ഉദ്യോഗസ്ഥരെ വനം വന്യജീവി വകുപ്പു മന്ത്രി എ. കെ ശശീന്ദ്രൻ അഭിനന്ദിച്ചു . മാത്രമല്ല അരിക്കൊമ്പനെ ഇടുക്കിയിലേക്ക് മാറ്റില്ലെന്നും അദ്ദേഹം വ്യക്തമാക്കി.
ഫെയ്സ് ബുക്ക് പോസ്റ്റിന്റെ പൂർണരൂപം…..
ഇടുക്കി ചിന്നക്കനാല് മേഖലയില് ഭീതി പരത്തിയ അരിക്കൊമ്പന് എന്ന കാട്ടാനയെ മയക്കുവെടി വെച്ച ദൗത്യസംഘത്തിലെ ഉദ്യോഗസ്ഥരെ അഭിനന്ദിക്കുന്നു. കാട്ടാനയെ പിടികൂടാനുള്ള ദൗത്യത്തില് പങ്കാളികളായ ഉന്നത ഉദ്യോഗസ്ഥര് ഉള്പ്പെടെ വിവിധ വകുപ്പുകളിലെ ജീവനക്കാരെയും ജില്ലാ ഭരണകൂടത്തെയും ദൗത്യം വിജയകരമായി പൂര്ത്തിയാക്കാന് എല്ലാവിധ പിന്തുണയും നല്കിയ ജനപ്രതിനിധികള്, നാട്ടുകാര്, ഇതുമായി ബന്ധപ്പെട്ട് പ്രവര്ത്തിച്ച എല്ലാവരെയും അഭിനന്ദിക്കുന്നു.
