കണ്ണൂര്‍: പരിയാരത്ത് വടിവാള്‍ വീശിയശേഷം വയോധികയെ കെട്ടിയിട്ട് പത്ത് പവന്‍ സ്വർണവും 9000 രൂപയും കവര്‍ന്നു. അമ്മാനപ്പാറയില്‍ ഡോക്ടര്‍ ഷക്കീറിൻ്റെ വീട്ടിൽ വ്യാഴാഴ്‌ച രാത്രിയായിരുന്നു നടുക്കുന്ന സംഭവം അരങ്ങേറിയത്.
വീട്ടിൽ മറ്റ് ആരുമില്ലാത്ത സമയത്ത് മൂഖം മൂടി ധരിച്ചെത്തിയ അക്രമിസംഘം ജനൽ കമ്പി മുറിച്ച് വീടിനകത്ത് കയറുകയും വയോധികയെ വടിവാള്‍ വീശി ഭീഷണിപ്പെടുത്തിയ ശേഷം കെട്ടിയിടുകയായിരുന്നു.
സമാനമായ കവർച്ചാ സംഭവം നേരത്തെയും ഈ പ്രദേശത്ത് നടന്നിട്ടുണ്ടെന്നും തുടർച്ചയായി ഇത്തരം കവർച്ചകൾ നടക്കുന്ന സാഹചര്യത്തിൽ അധികാരികൾ ഉടൻ വേണ്ട നടപടി സ്വീകരിക്കണമെന്നും നാട്ടുകാർ പറയുന്നു.
