തിരുവനന്തപുരം: തദ്ദേശ സ്വയം ഭരണമന്ത്രി എം.വി ഗോവിന്ദനെ പാർട്ടി സംസ്ഥാന സെക്രട്ടറിയായി തീരുമാനിച്ച് സിപിഎം. അനാരോഗ്യത്തെ തുടര്ന്ന് കോടിയേരി ബാലകൃഷ്ണന് ചെന്നൈയിലേക്ക് ചികിത്സയില് പോകുന്ന സാഹചര്യത്തിലാണ് തീരുമാനം.
ഇന്ന് ചേര്ന്ന സംസ്ഥാന സമിതി, സെക്രട്ടേറിയറ്റ് യോഗത്തിന്റെതാണ് തീരുമാനം.യോഗങ്ങള്ക്ക് പിന്നാലെ മുഖ്യമന്ത്രി പിണറായി വിജയന് കോടിയേരി ബാലകൃഷ്ണന്റെ ഫാള്റ്റിലെത്തി കൂടിക്കാഴ്ച നടത്തിയിരുന്നു. എം.വി.ഗോവിന്ദൻ സെക്രട്ടറി സ്ഥാനം ഏൽക്കുന്നതോടെ മന്ത്രിസ്ഥാനമൊഴിയേണ്ടി വരും.
അങ്ങനെവന്നാല് മന്ത്രിസഭയുടെ പ്രതിച്ഛായ നന്നാക്കുകയെന്ന ലക്ഷ്യമിട്ടുള്ള പുനഃസംഘടനയ്ക്കും വഴിയൊരുങ്ങും. പൊളിറ്റ് ബ്യൂറോ അംഗങ്ങളടക്കം ചർച്ച ചെയ്താണ് തീരുമാനം.മന്ത്രിസഭാ പുനസംഘടന പിന്നാലെയുണ്ടാകുമെന്ന് എൽഡിഎഫ് കൺവീനർ ഇ.പി ജയരാജൻ പറഞ്ഞു.