തിരുവനന്തപുരം: സംസ്ഥാനത്തെ പോപ്പുലർ ഫ്രണ്ടിന്റെ ഓഫീസുകളിലും നേതാക്കളുടെ വീടുകളിലും വ്യാപക എൻഐഎ പരിശോധന തുടരുകയാണ്. ന്യൂ ഡെൽഹിയിലും കേരളത്തിലും രജിസ്റ്റർ ചെയ്ത കേസുകളിലാണ് കേന്ദ്രസേനയുടെ അകമ്പടിയോടെ റെയ്ഡ് നടത്തുന്നത്. സംസ്ഥാനത്ത് പുലര്ച്ചെ 4.30 -ഓടെയാണ് റെഡ്ഡ് ആരംഭ്ച്ചത്. പോപ്പുലര് ഫ്രണ്ട് ഓഫ് ഇന്ത്യ ദേശീയ ജനറൽ സെക്രട്ടറി നസറുദീൻ എളമരം അടക്കം നൂറിലധികം പേരെ കസ്റ്റഡിയിലെടുത്തു.
പോപ്പുലര് ഫ്രണ്ട് ഓഫിസുകളില് ദേശീയ അന്വേഷണ ഏജന്സി (എന്ഐഎ), എന്ഫോഴ്സ്മെന്റ് ഡയറക്ടറേറ്റ്( ഇഡി) എന്നീ കേന്ദ്ര ഏജന്സികള് എന്നവരുൾപ്പെടുന്ന സംഘമാസ്റ്റണ് പരിശോധന നടത്തുന്നത്. തിരുവനന്തപുരം, കോട്ടയം, പത്തനംതിട്ട, മലപ്പുറം, തൃശൂര്, കണ്ണൂര് എന്നിവിടങ്ങളിൽ പരിശോധന നടന്നു. തീവ്രവാദത്തിന് പണം നല്കല്, പരിശീലനക്യാമ്പുകള് നടത്തല്. തീവ്രവാദത്തിലേക്ക് ആളുകളെ ആകര്ഷിക്കല് എന്നിവയില് ഉള്പ്പെട്ടവരുടെ വീടുകളിലാണ് റെയ്ഡ് നടത്തിയതെന്ന് എന്ഐഎ ഉദ്യോഗസ്ഥര് വ്യക്തമാക്കി.
പോപ്പുലർ ഫ്രണ്ട് നേതാവ് അഷറഫ് മൗലവിയുടെ പൂന്തുറയിലെ വീട്ടിലും എറണാകുളത്ത് പോപ്പുലർ ഫ്രണ്ട് വൈസ് പ്രസിഡണ്ട് ഇ എം അബ്ദുൾ റഹ്മാന്റെ വീട്ടിലും കോട്ടയം ജില്ലാ പ്രസിഡന്റ് സൈനുദീന്റെ വീട്ടിലും പാലക്കാട് സംസ്ഥാന സമിതിയംഗം റൗഫിൻ്റെ കരിമ്പുള്ളിയിലെ വീട്ടിലും പരിശോധന നടത്തുന്നുണ്ട്. കേരളത്തിനു പുറമേ തമിഴ്നാട്, കര്ണാടക, തെലങ്കാന, ആന്ധ്രപ്രദേശ്, ഉത്തര്പ്രദേശ്, ബിഹാര്, ഡല്ഹി തുടങ്ങി 13 സംസ്ഥാനങ്ങളിലായി നൂറിടങ്ങളില് ഇഡി സഹകരണത്തോടെ റെയ്ഡ് നടത്തിയത്. ദേശീയ, സംസ്ഥാന നേതാക്കള് അടക്കം നൂറിലേറെ പേരെ കസ്റ്റഡിയില് എടുത്തു.