കൊച്ചി: ക്രിസ്മസ് – പുതുവത്സര അവധി പ്രമാണിച്ച് ഇന്ത്യൻ റെയിൽവെ എറണാകുളത്ത് നിന്ന് തിരുവനന്തപുരത്തേക്ക് സ്പെഷ്യൽ മെമു സർവീസ് പ്രഖ്യാപിച്ചു. എറണാകുളം ജംഗ്ഷനിൽ നിന്ന് തിരുവനന്തപുരം നോർത്തിലേക്കും(കൊച്ചുവേളി) തിരിച്ചും 12 കോച്ചുകളുള്ള മെമു സർവീസാണ് റെയിൽവെ പ്രഖ്യാപിച്ചിരിക്കുന്നത്. ഡിസംബർ 30,31 ജനുവരി ഒന്ന് എന്നീ തീയതികളിൽ മാത്രമാണ് സർവീസ്.
06065/06066 എന്നിങ്ങനെയാണ് ട്രെയിൻ നമ്പരുകൾ. രാവിലെ 9.10ന് എറണാകുളം ജംഗ്ഷനിൽ നിന്ന് ആരംഭിക്കുന്ന സർവീസ് കോട്ടയം, കൊല്ലം വഴി ഉച്ചയ്ക്ക് 12.45ന് തിരുവനന്തപുരം നോർത്തിൽ എത്തും. മടക്ക യാത്ര 12.55ന് തിരുവനന്തപുരം നോർത്ത് സ്റ്റേഷനിൽ നിന്ന് കൊല്ലം കോട്ടയം വഴി വൈകിട്ട് 4.35ന് എറണാകുളം ജംഗ്ഷനിൽ എത്തും.
