കയ്പമംഗലത്ത് വാഹനപകടം; 2 യുവാക്കൾക്ക് ദാരുണാന്ത്യം

തൃശൂർ: കയ്പമംഗലത്തുണ്ടായ വാഹനപകടത്തിൽ രണ്ട് യുവാക്കൾ മരിച്ചു. കാർ മരത്തിൽ ഇടിച്ചാണ് അരകടമുണ്ടാവുന്നത്. പള്ളിത്താനം സ്വദേശി അബ്ദുൾ ഹസീബ്(19), ഹാരിസ്(19) എന്നിവരാണ് മരിച്ചത്. മാടാനിപ്പുര- വഞ്ചിക്കുളം റോഡിൽ വച്ച് വ്യാഴാഴ്ച പുലർച്ചെ ഒന്നേകാലോടെയാണ് അപകടമുണ്ടായത്. നബിദിനാഘോഷം കഴിഞ്ഞ് മടങ്ങുന്ന സുഹൃത്തുക്കളുടെ വാഹനമാണ് അപകടത്തിൽപ്പെട്ടത്. കാറിലുണ്ടായിരുന്ന മറ്റ് 4 പേർക്ക് പരിക്കേറ്റു. ഇതിൽ ഒരാളുടെ നില ഗുരുതരമാണെന്നാണ് റിപ്പോർട്ടുകൾ.