തൊടുപുഴ: എയർഫോഴ്സ് അസ്സോസിയേഷൻ ഇടുക്കി ചാപ്റ്ററിന്റെ ആഭിമുഖ്യത്തിൽ ഇന്ത്യൻ എയർഫോഴ്സിന്റെ 91ആം ജന്മദിനാഘോഷം ഒക്ടോബർ എട്ടിന് സിസിലിയ ഹോട്ടൽ ഓഡിറ്റോറിയത്തിൽ വച്ച് നടത്തും. രാവിലെ 9.30ന് വിങ്ങ്. കമാന്റർ(റിട്ട.) വിനോദ് ഉദ്ഘാടനം ചെയ്യും. എയർഫോഴ്സ് അസ്സോസിയേഷൻ ചാപ്റ്റർ പ്രസിഡന്റ് ഗോപിനാഥൻ.ആർ അധ്യക്ഷത വഹിക്കും. എയർ കമോഡോർ(റിട്ട.) ഡോ. പൗളിന ബാബു മുഖ്യപ്രഭാഷണം നടത്തും. യോഗത്തിൽ രാജ്യരക്ഷാ പ്രതിജ്ഞ പുതുക്കും.
ജില്ലയിലെ വിരമിച്ച വായുസേനാംഗങ്ങൾ, വിധവകൾ തുടങ്ങിയവർ കുടുംബസമേതം പങ്കെടുക്കും. ഇവരുടെ മക്കളിൽ പ്ലസ് റ്റൂവിന് ഏറ്റവും ഉയർന്ന മാർക്ക് നേടിയ വിദ്യാർത്ഥിക്ക് മെറിറ്റ് സർട്ടിഫിക്കറ്റും ക്യാഷ് അവാർഡും മൊമന്റോയും നൽകും. 80 വയസ്സിനു മുകളിലുള്ള വിമുക്ത വായുസേനാംഗങ്ങളെ ആദരിക്കും.
സ്പർശിനെക്കുറിച്ച് സെമിനാർ നടത്തും. കൂടാതെ വടംവലി, ക്വിസ് മത്സരം എന്നിവയും സംഘടിപ്പിക്കും.
