ചാലക്കുടി: കെ.എസ്.ആർ.റ്റി.സി ബസ് സ്റ്റാൻഡിൽ വെച്ച് നഴ്സിംഗ് വിദ്യാർത്ഥിനിയെ ഉപദ്രവിക്കാൻ ശ്രമിച്ച സിവിൽ പൊലീസ് ഉദ്യോഗസ്ഥനെ സസ്പെൻറ് ചെയ്തു.
മലക്കപ്പാറ സ്റ്റേഷനില്ലെ ഉദ്യോഗസ്ഥനും മുരിങ്ങൂർ ആറ്റപ്പാടം സ്വദേശി എം.റ്റി ഷാജുവിനെയാണ്(48) റൂറൽ ജില്ലയുടെ ചാർജുള്ള സിറ്റി പൊലീസ് കമ്മീഷണർ ആർ ഇളങ്കോ അന്വേഷണ വിധേയമായി സസ്പെൻറ് ചെയ്ത തായി ചാലക്കുടി ഡിവൈഎസ്പി കെ. സുമേഷ് പറഞ്ഞു. ചൊവ്വാഴ്ച ഉച്ചയോടെയാണ് സംഭവം.
കോയമ്പത്തൂരിലേക്ക് പോകുവാൻ ബസ് കാത്ത് നിന്ന വിദ്യാർത്ഥിനിയെ ഉപദ്രവിക്കാൻ ശ്രമിക്കുകയായിരുന്നു. സംഭവത്തിന് ശേഷം ഓട്ടോറിക്ഷയിൽ കയറി പൊലീസ് ഉദ്യോഗസ്ഥൻ രക്ഷപ്പെടുകയായിരുന്നു.
പെൺകുട്ടിയുടെയും വീട്ടുകാരുടേയും പരാതിയുടെ അടിസ്ഥാനത്തിൽ ചാലക്കുടി ഡി.വൈ.എസ്.പി കെ സുമേഷാണ് കേസെടുത്ത് അന്വേഷണം ആരംഭിച്ചിരിക്കുന്നത്. സംഭവത്തിന് ശേഷം ഓട്ടോറിക്ഷയിൽ കയറി പോയ പോലീസ് ഉദ്യോഗസ്ഥൻ ഒളിവിലാണ്.
