മലപ്പുറം: താനൂർ ബോട്ടപകടത്തിന്‍റെ നീറുന്ന ഓർമ്മകൾ മായും മുന്‍പ് മലപ്പുറത്ത് വീണ്ടും ചെറുവള്ളത്തിൽ ഉല്ലാസയാത്ര. പൊന്നാനി തുറമുഖത്താണ് സ്ത്രീകളും കുട്ടികളും ഉൾപ്പെടെ 8 പേരുമായി മീന്‍ പിടിക്കുന്ന ചെറുവള്ളത്തിൽ ഉല്ലാസയാത്ര നടത്തിയത്. തിരൂർ പടിഞ്ഞാറക്കര സ്വദേശിയുടേതാണ് വള്ളം.
താനൂർ ബോട്ട് അപകടത്തെ തുടർന്നുള്ള നിയന്ത്രണങ്ങൾ നിലനിൽക്കെയാണ് വീണ്ടും ഉല്ലാസയാത്ര. മത്സബന്ധനത്തിന് മാത്രമുപയോഗിക്കുന്ന ചെറുവഞ്ചിയിൽ യാത്രക്കാരുമായി സർവീസ് നടത്തിയത്. ഉടമയോടുമ തൊഴിലാളികളോടും ഹാജരാകാന്‍ ഫിഷറീസ് വകുപ്പ് ആവശ്യപ്പെട്ടു.
