വയനാട്ടിൽ റിസോർട്ടിലെ മരത്തിൽ സ്ത്രീയെയും പുരുഷനെയും തൂങ്ങി മരിച്ച നിലയിൽ കണ്ടെത്തി

വൈത്തിരി: വയനാട്ടിൽ പുരുഷനേയും സ്ത്രീയേയും തൂങ്ങി മനരിച്ച നിലയിൽ കണ്ടെത്തി. സ്വകാര്യ റിസോർട്ടിന്‍റെ പരിസരത്തുള്ള മരത്തിലാണ് ഇരുവരേയും തൂങ്ങി മരിച്ച നിലയിൽ കണ്ടെത്തിയത്. കോഴിക്കോട് കൊയിലാണ്ടി നടേരി ഓർക്കിഡ് ഹൗസിൽ പ്രമോദ്(54), ഉള്ള്യേരി നാറാത്ത് ബിൻസി(34) എന്നിവരെയാണ് മരിച്ച നിലയിൽ കണ്ടെത്തിയത്. തിങ്കളാഴ്ച വൈകിട്ടോടെയാണ് ഇവർ റിസോർട്ടിൽ മുറിയെടുത്തത്. രാവിലെയാണ് റിസോർട്ടിലെ ജീവനക്കാർ രണ്ടു പേരെയും തൂങ്ങിമരിച്ച നിലയിൽ കണ്ടെത്തിയത്. തുടർന്ന് പൊലീസെത്തി നടപടി ക്രമങ്ങൾ സ്വീകരിച്ചു. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.