കൊല്ലത്ത് അയ്യപ്പഭക്തരുടെ വാഹനം ലോറിയുമായി കൂട്ടിയിടിച്ച് താഴ്ചയിലേക്ക് മറിഞ്ഞു: ഒരാൾ മരിച്ചു
കൊല്ലം: ആര്യങ്കാവിൽ അയ്യപ്പഭക്തർ സഞ്ചരിച്ച ബസ് ലോറിയുമായി കൂട്ടിയിടിച്ച് താഴ്ചയിലേക്ക് മറിഞ്ഞ് ഒരു മരണം. നിരവധി പേർക്ക് പരുക്കുറ്റു. മൂന്നുപേരുടെ നില അതീവ ഗുരുതരമായി തുടരുകയാണ്. ബുധനാഴ്ച പുലർച്ചെ 3.45 ഓടെയായിരുന്നു അപകടം. സേലം സ്വദേശി ധനപാലാണ് മരിച്ചത്. തമിഴ്നാട് സേലം സ്വദേശികളാണ് അപകടത്തിൽപെട്ടത്. അയ്യപ്പദർശനം കഴിഞ്ഞ് നാട്ടിലേക്ക് മടങ്ങുമ്പോഴായിരുന്നു അപകടം. കൊല്ലം ആര്യങ്കാവ് പഴയ റെയിൽവേ സ്റ്റേഷന് സമീപമാണ് അപകടം നടന്നത്. ബസിൽ 30 ഓളം പേരുണ്ടായിരുന്നതായാണ് വിവരം. ഇതിൽ 16 പേർക്കും പരുക്കേറ്റിട്ടുണ്ട്. 100 …
