തൊടുപുഴ: ഉടുമ്പന്നൂർ മഞ്ചിക്കല്ലിൽ നിന്നും കാണാതായ ചെത്തുതൊഴിലാളിയെ മരിച്ചനിലയിൽ കണ്ടെത്തി. മഞ്ചികല്ല് സ്വദേശി തയ്യിൽ സുധാകരനെയാണ് ഉടുമ്പന്നൂർ മത്തങ്ങാ തോട്ടിൽ ഇന്ന് പുലർച്ചെ മരിച്ചനിലയിൽ കണ്ടെത്തിയത്. കരിമണ്ണൂർ എസ് എച്ച് ഒ ജോബി കെ ജെയുടെ നേതൃത്വത്തിൽ തുടർനടപടികൾ സ്വീകരിച്ചു.
ഇയാളെ കഴിഞ്ഞ ബുധനാഴ്ച മുതൽ കാണ്മാനില്ലെന്ന് പറഞ്ഞു കുടുംബാംഗങ്ങൾ പോലീസിൽ പരാതി നൽകിയിരുന്നു. തുടർന്ന് പോലീസിന്റെയും ഫയർഫോഴ്സിന്റെയും നാട്ടുകാരുടെയും നേതൃത്വത്തിൽ വ്യാപകത്തിരച്ചിൽ നടത്തിയെങ്കിലും കണ്ടെത്താനായില്ല.
ഇന്നു പുലർച്ചെയാണ് മൃതദേഹം ഉടുമ്പന്നൂർ മത്തങ്ങതോട്ടിൽ കണ്ടെത്തിയത്. നാട്ടുകാർ അറിയിച്ചതിനെ തുടർന്ന് കരിമണ്ണൂർ പോലീസിന്റെ നേതൃത്വത്തിൽ തുടർനടപടികൾ സ്വീകരിച്ചു.
