ആലപ്പുഴ: 70ആമത് വള്ളംകളി ശനിയാഴ്ച മന്ത്രി പി.എ. മുഹമ്മദ് റിയാസ് ഉദ്ഘാടനം നിർവഹിക്കും. വയനാട് ഉരുൾപൊട്ടലിനു പിന്നാലെ വേണ്ടെന്നുവച്ച വള്ളംകളി ഒന്നരമാസം വൈകിയാണ് നടത്തുന്നത്.
19 ചുണ്ടൻ വള്ളങ്ങൾ അടക്കം 72 കളിവള്ളങ്ങൾ മത്സരത്തിൽ പങ്കെടുക്കും. രാവിലെ 11 മണി മുതൽ ചെറുവള്ളങ്ങളുടെ മത്സരം ആരംഭിക്കും. ഉച്ചക്ക് ശേഷമാണ് ചുണ്ടൻവള്ളങ്ങളുടെ മത്സരങ്ങൾ.
അഞ്ച് ഹീറ്റ്സുകളിലായാണ് ചുണ്ടൻവള്ളങ്ങളുടെ മത്സരങ്ങൾ. തുടർച്ചയായ അഞ്ചാം വിജയത്തിനായി പള്ളാതുരുത്തി ബോട്ട് ക്ലബ് പങ്കെടുക്കും. നെഹ്റു ട്രോഫി വള്ളംകളി പ്രമാണിച്ച് ശനിയാഴ്ച്ച ആലപ്പുഴ ജില്ലയിൽ പ്രാദേശികാവധി പ്രഖ‍്യാപിച്ചു. ഓഫീസുകൾക്കും വിദ‍്യാഭ‍്യാസ സ്ഥാപനങ്ങൾക്കും പ്രാദേശിക അവധി അനുവധിച്ച് ഉത്തരവായി.
