ഇടുക്കി: രാജകുമാരി ഇടമറ്റത്ത് നിയന്ത്രണം വിട്ട വാഹനം മറിഞ്ഞ് ഒരാള് മരിച്ചു. വാഴക്കുളം സ്വദേശികള് സഞ്ചാരിച്ചിരുന്ന വാഹനമാണ് അപകടത്തില് പെട്ടത്. മുവാറ്റുപുഴ ആയവന സ്വദേശിയായ ഡ്രൈവര് ആന്റോ റോയിയാണ് സംഭവ സ്ഥലത്ത് തന്നെ മരിച്ചത്. വാഴക്കുളം സ്വദേശികളായ ജെയ്സണ് ജോമോന്, ഷാജി, ജോര്ജ്ജ് എന്നിവര്ക്കാണ് പരിക്കേറ്റത്. പരിക്കേറ്റവരെ ആദ്യം രാജാക്കാട് ലൈഫ്കെയര് ആശുപത്രിയിലും പിന്നീട് ആലുവ രാജഗിരി മെഡിക്കല് കോളേജിലേയ്ക്കും മാറ്റി. പണിക്കന്കുടിയിലെ ബന്ധുവിന്റെ വിവാഹ ചടങ്ങില് പങ്കെടുക്കാന് എത്തിയതിന് ശേഷം ഇവിടെ നിന്നും രാജകുമാരിയിലുള്ള ബന്ധു വീട്ടിലേയ്ക്ക് പോകും വഴി ഇടമറ്റത്ത് വച്ച് വാഹനത്തിന്റെ നിയന്ത്രണം നഷ്ടപ്പെടുകയായിരുന്നു. ഡ്രൈവര് ഉറങ്ങിയതോ അമിത വേഗതയോ ആകാം അപകട കാരണമെന്നാണ് പ്രഥാമിക നിഗമനം. രാജാക്കാട് സി ഐ വി വിനോദ്കുമാറിന്റെ നേതൃത്വത്തിലുള്ള പൊലീസ് സ്ഥലത്തെത്തി മേല് നടപടികള് സ്വീകരിച്ചു. ആന്റോയുടെ മൃതദേഹം പോസ്റ്റ് മോര്ട്ടത്തിന് ശേഷം ബന്ധുക്കള്ക്ക് വിട്ടു നല്കും.
രാജകുമാരി ഇടമറ്റത്ത് നിയന്ത്രണം വിട്ട വാഹനം മറിഞ്ഞ് ഒരാള് മരിച്ചു
