നോയിഡ: എൻ.സി.പി നേതാവും മുൻ മന്ത്രിയുമായിരുന്ന ബാബ സിദ്ദിഖിയുടെ മകനും എം.എൽ.എയുമായ സീഷൻ സിദ്ദിഖിക്കും നടൻ സൽമാൻ ഖാനുമെതിരെ വധഭീഷണി മുഴക്കിയ 20 വയസുകാരൻ അറസ്റ്റിൽ.
ചൊവ്വാഴ്ച രാവിലെ നോയിഡയിലെ സെക്ടർ 39 ഏരിയയിൽ നിന്ന് 20 കാരനായ തയ്യബിനെ മുംബൈ പൊലീസ് അറസ്റ്റ് ചെയ്യുകയായിരുന്നു. വെള്ളിയാഴ്ച വൈകുന്നേരത്തോടെ സീഷൻ സിദ്ദിഖിയുടെ ഓഫീസിലേക്ക് പണം ആവശ‍്യപ്പെട്ടുകൊണ്ട് ഫോൺ കോൾ വന്നു.
പണം നൽകിയില്ലെങ്കിൽ ഇരുവരെയും വകവരുത്തുമെന്നായിരുന്നു ഭീഷണി സന്ദേശം. തുടർന്ന് നൽകിയ പരാതിയിലാണ് ഗുർഫാനെന്ന മുഹമ്മദ് തയ്യബിനെ പൊലീസ് അറസ്റ്റ് ചെയ്തത്.
