മുൻ എം.എൽ.എയും സി.പി.ഐ എറണാകുളം ജില്ലാ സെക്രട്ടറിയുമായിരുന്ന പി രാജു നിര്യാതനായി

കൊച്ചി: മുൻ എം.എൽ.എയും സി.പി.ഐ മുൻ എറണാകുളം ജില്ലാ സെക്രട്ടറിയുമായ പി രാജു(73) അന്തരിച്ചു. കൊച്ചിയിലെ സ്വകാര്യ ആശുപത്രിയിൽ ചികിത്സയിലിരിക്കെയായിരുന്നു മരണം. 1991ലും 1996ലും വടക്കൻ പറവൂരിൽ നിന്ന് നിയമസഭയിലേക്ക് തെരഞ്ഞെടുക്കപ്പെട്ടു. രണ്ട് വട്ടം സി.പി.ഐ എറണാകുളം ജില്ലാ സെക്രട്ടറിയായിരുന്നു. സി.പി.ഐ സംസ്ഥാന കൗൺസിൽ അംഗമായും, ജനയുഗം കൊച്ചി യൂണിറ്റ് മാനെജറായും പ്രവർത്തിച്ചിട്ടുണ്ട്. അവസാന കാലത്ത് പാർട്ടിയുമായി ഇടഞ്ഞെങ്കിലും പി. രാജു പൊതുമണ്ഡലത്തിൽ സജീവമായിരുന്നു.