കണ്ണൂരിൽ നാലര വയസ്സുള്ള കുട്ടിയെ തെരുവ് നായ ആക്രമിച്ചു

കണ്ണൂർ: തെരുവ് നായയുടെ കടിയേറ്റ് നാലര വയസുകാരന് പരുക്ക്. മോബിൻ- ജിൽന എന്നിവരുടെ മകൻ എഫ്രിൻ മോബിനാണ് നായയുടെ കടിയേറ്റത്. യു.കെയിൽ നിന്നും അച്ഛനൊപ്പം നാട്ടിലെത്തിയ എഫ്രിൻ വീട്ടുമുറ്റത്തു നിന്നും കളിക്കുന്നതിനിടെയായിരുന്നു ആക്രമണം. ഞായറാഴ്ച രാവിലെ എഫ്രിൻ കായലോടുള്ള അമ്മയുടെ വീട്ടിന് മുറ്റത്ത് നിന്നും കളിക്കുന്നതിനിടെയായിരുന്നു ആക്രണം. കുട്ടിയുടെ ബഹളം കേട്ട് ഓടിയെത്തിയ കുടുംബാംഗങ്ങളും നാട്ടുകാരും ചേർന്ന് നായയെ തല്ലി കൊല്ലുകയും ചെയ്തു. തോളിൽ പരുക്കേറ്റ എഫ്രിനെ തലശേരി താലൂക്ക് ആശുപത്രിയിലെത്തിച്ച് ചികിത്സ നൽകി.