Kerala news

കൊല്ലം: കാണാതായ രണ്ട് വയസുകാരനെ തിരച്ചിലിനൊടുവില്‍ കണ്ടെത്തി. പ്രദേശവാസികള്‍ ഒന്നടങ്കം ഒരു മണിക്കൂറോളം തിരച്ചില്‍ നടത്തിയാണ് കുട്ടിയെ കണ്ടെത്തിയത്. വീട്ടില്‍ നിന്നു രണ്ട് കിലോമീറ്റര്‍ അകലെ വച്ചാണ് കുട്ടിയെ കണ്ടെത്തിയത്. സമീപത്തെ ക്ഷേത്രത്തിലെ ഉച്ചഭാഷിണിയിലൂടെ കുട്ടിയെ കാണാനില്ലെന്ന വിവരം വിളിച്ചു പറഞ്ഞിരുന്നു. പിന്നാലെയാണ് പ്രദേശവാസികള്‍ ഒന്നടങ്കം കുട്ടിക്കായി തിരച്ചില്‍ നടത്തിയത്. അതിനിടെ അഞ്ചല്‍ പൊലീസും സ്ഥലത്തെത്തി. ഒരു മണിക്കൂറിനു ശേഷം പൊലിക്കോട് – അറയ്ക്കല്‍ റോഡില്‍ ഇടയം ഭാഗത്തെ വയലില്‍ നിന്നു കുട്ടിയെ കണ്ടെത്തുകയായിരുന്നു.

തിരുവനന്തപുരം: കെ.എസ്.ആർ.ടി.സി കണ്ടക്ടർ അഖില എസ് നായരുടെ സ്ഥലമാറ്റം റദ്ദാക്കിയതായി ഗതാഗത മന്ത്രി ആന്റണി രാജു. വെെക്കം ഡിപ്പോയിൽ നിന്ന് പാല ഡിപ്പോയിലേക്ക് മാറ്റിയ ഉത്തരവാണ് റദ്ദാക്കിയത്. അതേസമയം സർക്കാരിനെയും കെ.എസ്.ആർ.ടി.സിയെയും അപകീർത്തിപ്പെടുത്തിയ വനിതാ കണ്ടക്ടറെ സ്ഥലംമാറ്റിയതിന്റെ പേരിലുള്ള വിവാദം രാഷ്‌ട്രീയപ്രേരിതമാണെന്നും മന്ത്രി പറഞ്ഞു. “ശമ്പള രഹിത സേവനം 41ാം ദിവസം’’ എന്നെഴുതിയ ബാഡ്ജ് ധരിച്ച് ജോലി ചെയ്‌തതിനാണ്‌ വൈക്കം ഡിപ്പോയിലെ കണ്ടക്ടർ അഖില എസ് നായരെ പാലായിലേക്ക്‌ സ്ഥലംമാറ്റിയത്‌. കെ.എസ്.ആർ.ടി.സിയിലെ ബി.എം.എസ് യൂണിയൻ സംസ്ഥാന കമ്മിറ്റിയംഗവും …

അഖിലയുടെ സ്ഥലമാറ്റം റദ്ദാക്കി; മന്ത്രി ആന്റണി രാജു Read More »

കൊച്ചി: സംസ്ഥാനത്ത് സ്വർണവിലയിൽ കുറവ് രേഖപ്പെടുത്തി. പവന് 240 രൂപ കുറഞ്ഞ് ഇന്ന് ഒരു പവൻ സ്വർണത്തിൻറെ വില 43,760 ഇന്നത്തെ സ്വർണ വില. ഇന്ന് ഗ്രാമിന് 30 രൂപ കുറഞ്ഞ് 5470 രൂപയിലെത്തി. ഇന്നലെ ഒരു ഗ്രാം സ്വർണത്തിന് 5,500 രൂപയിലും ഒരു പവന് 44,000 രൂപയിലുമായിരുന്നു.

കൊച്ചി: ബ്രഹ്മപുരം മാലിന്യ പ്ലാന്‍റ് തീപിടുത്തവുമായി ബന്ധപ്പെട്ട് സ്വമേധയ എടുത്ത കേസ് ഹൈക്കോടതി ഇന്ന് പരിഗണിക്കും. കൊച്ചി കോർപറേഷനിൽ മാലിന്യ സംസ്‌കരണവുമായി ബന്ധപ്പെട്ട് വിവിധ കമ്പനികളുമായി ഉണ്ടാക്കിയ കരാർ രേഖകൾ ഹാജരാക്കാൻ കോടതി ആവശ്യപ്പെട്ടിട്ടുണ്ട്. രേഖകളെല്ലാം കോർപറേഷൻ ഇന്നു കോടതിയിൽ ഹാജരാക്കും. സംസ്ഥാനത്തുടനീളം മാലിന്യ സംസ്‌കരണത്തിനുള്ള മാർഗനിർദേശങ്ങൾ രൂപീകരിക്കാൻ മൂന്ന് അമിക്കസ് ക്യൂറിമാരെയും കോടതി നിയോഗിച്ചിട്ടുണ്ട്.

കൊച്ചി: ഛത്തീസ്ഗഢ്, ആന്ധ്ര, തെലങ്കാന, കൊൽക്കത്ത ഹൈക്കോടതികളുടെ ചീഫ്​ ജസ്റ്റിസായിരുന്ന ജസ്റ്റിസ് തോട്ടത്തിൽ ബി.രാധാകൃഷ്‌ണൻ (63) അന്തരിച്ചു. അർബുദബാധിതനായി കൊച്ചി അമൃത ആശുപത്രിയിൽ ചികിത്സയിലായിരുന്നു. കൊല്ലം തേവള്ളി മരാമത്ത്‌ വീട്ടിൽ എൻ.ഭാസ്‌കരൻനായരുടെയും പാറുക്കുട്ടിയമ്മയുടെയും മകനാണ്‌. നിലവിൽ കൊച്ചി എളമക്കര ബിടിഎസ്‌ റോഡിലാണ്‌ താമസിക്കുന്നത്‌. 2004 ഒക്‌ടോബർ 14ന് കേരള ഹൈക്കോടതിയിൽ ജഡ്‌ജിയായ തോട്ടത്തിൽ ബി.രാധാകൃഷ്‌ണൻ പിന്നീ‌ട് ആക്ടിങ്‌ ചീഫ് ജസ്റ്റിസായും സേവനമനുഷ്ഠിച്ചു. ജനങ്ങളുടെ അടിസ്ഥാനപ്രശ്‌ന‌ങ്ങൾ പരിഹരിക്കാൻ അധികൃതർ വീഴ്‌ച വരുത്തിയാൽ അത്തരം പ്രശ്‌നങ്ങളിൽ ഇടപെട്ട് പരിഹാരം കാണാൻ …

ജസ്റ്റിസ് തോട്ടത്തിൽ ബി.രാധാകൃഷ്‌ണന് വിടജസ്റ്റിസ് തോട്ടത്തിൽ ബി.രാധാകൃഷ്‌ണ Read More »

പത്തനംതിട്ട: ആരോഗ്യമന്ത്രി വീണാ ജോർജിനെതിരെ പത്തനംതിട്ടയിൽ പോസ്റ്റർ. സഭാ തർക്കം പരിഹരിക്കാന്‍ കൊണ്ടുവന്ന ചർച്ച് ബില്ലിൽ മന്ത്രി മൗനം വെടിയണം എന്നാവശ്യപ്പെട്ടാണ് പോസ്റ്റർ. പത്തനംതിട്ട ജില്ലയിലെ വിവിധ ഓർത്തഡോക്സ് പള്ളികളുടെ മുന്നിൽ ഓശാന ഞായറാഴ്ചയാണ് പോസ്റ്റർ പതിപ്പിച്ചിരിക്കുന്നത്. ഓർത്തഡോക്സ് യുവജനം എന്ന പേരിലാണ് പോസ്റ്ററുകൾ പതിപ്പിച്ചിരിക്കുന്നത്. സഭയുടെ വിയർപ്പിലും വോട്ടിലും മന്ത്രിയായ വീണ ജോർജ് മൗനം വെടിയണം, ചർച്ച് ബില്ലിൽ പിണറായി വിജയന്‍ നീതി പാലിക്കണമെന്നെല്ലാമാണ് പോസ്റ്ററുകളിലെ ആവശ്യങ്ങൾ. ഇന്നലെ അർദ്ധരാത്രിയാണ് പോസ്റ്ററുകൾ പ്രത്യക്ഷപെട്ടതെന്ന് കരുതുന്നു.

കൊച്ചി: നാഷണൽ ലീഗൽ സർവ്വീസ്‌ സൊസൈറ്റി(NALSA) പുതിയതായി കൊണ്ടുവന്ന ഡിഫൻസ്‌ കൗൺസിൽ സംവിധാനത്തിനെതിരെ അഭിഭാഷക പ്രതിഷേധം ശക്തമാകന്നു. അഭിഭാഷകരെ വെച്ച് നിയമ സേവനം ലഭിക്കാത്തവർക്ക് മാത്രമാണ് ഇതുവരെ സൗജന്യ നിയമ സഹായം നൽകാൻ ലീഗൽ സർവീസസ് അതോറിറ്റി നിയമ പ്രകാരം നടപടികൾ സ്വീകരിച്ചിരുന്നത്. സമൂഹത്തിലെ പിന്നോക്കം നിൽക്കുന്ന വിഭാഗങ്ങൾക്കുള്ള അവകാശം കൂടിയാണ് അത്. ജുഡിഷ്യറിയാണ് നിലവിലെ ഡി.എൽ.എസ്‌.എ/ ടി.എൽ.എസ്‌.എ പാനൽ അഭിഭാഷകരിൽ നിന്ന് പേര് നൽകി ഈ പ്രക്രിയ നടത്തിവന്നിരുന്നത്. എന്നാൽ ഈ രീതിക്ക് പകരമായി ഡിഫൻസ് …

ഡിഫൻസ്‌ കൗൺസിൽ സംവിധാനത്തിനെതിരെ പ്രതിഷേധവുമായി അഭിഭാഷകർ Read More »

എറണാകുളം ജില്ലയില്‍ ആധാര്‍ പുതുക്കല്‍ നടപടികള്‍ വേഗത്തിലാക്കാന്‍ കളക്ടര്‍ എന്‍.എസ്.കെ ഉമേഷിന്റെ നേതൃത്വത്തില്‍ നടന്ന ആധാര്‍ ഡോക്യുമെന്റ് അപ്‌ഡേഷനുമായി ബന്ധപ്പെട്ട യോഗത്തില്‍ തീരുമാനമായി. 18 വയസിനു മുകളിലുള്ള എല്ലാവരും എത്രയും പെട്ടെന്ന് ആധാര്‍ പുതുക്കണമെന്ന് ജില്ലാ കളക്ടര്‍ പറഞ്ഞു. ആഗസ്റ്റ് മാസത്തോടെ 18 വയസിന് മുകളിലുള്ളവരുടെ ആധാര്‍ പുതുക്കല്‍ പൂര്‍ത്തിയാക്കാന്‍ ലക്ഷ്യമിട്ട് നടപടികള്‍ പുരോഗമിക്കുകയാണ്. അക്ഷയ കേന്ദ്രത്തിന്റെ നേതൃത്വത്തില്‍ പെരുമ്പാവൂരില്‍ അതിഥി തൊഴിലാളികള്‍ക്കായി തൊഴിലിടങ്ങളില്‍ ആധാര്‍ പുതുക്കല്‍ സേവനം ആരംഭിച്ചിട്ടുണ്ട്. ഇലക്ഷന്‍ ഐ.ഡി കാര്‍ഡ്, റേഷന്‍ കാര്‍ഡ് …

ആധാര്‍ പുതുക്കല്‍ നടപടികള്‍ വേഗത്തിലാക്കാന്‍ എറണാകുളം ജില്ലാ കളക്ടര്‍ Read More »

തന്റെ മാസ്റ്റർപീസെന്ന നോവലിനെതിരെ നൽകിയ പരാതിയെ തുടർന്ന് ഹൈക്കോടതിയിലെ സീനിയർ ക്ലർക്ക് പദവി രാജിവെച്ച് കക്കുകളി രചയിതാവ് ഫ്രാന്‍സിസ് നൊറോണ. മൂന്ന് വർഷം ബാക്കിയിരിക്കെയാണ് അദ്ദേഹം സ്വയം വിരമിച്ചിരിക്കുന്നത്. ഇപ്പോൾ തന്നെ തീരുമാനത്തിനു പിന്നിലുള്ള കാരണങ്ങളും അതിലൂടെ സഹിച്ച വേദനയെക്കുറിച്ചും തുറന്നെഴുതി സമൂഹ മധ്യമങ്ങളിലൂടെ പങ്കുവെച്ചിരിക്കുകയാണ് നൊറോണ. ‘ഇന്നലെ (31.3.2023) ഞാന്‍ സര്‍വ്വീസില്‍ നിന്ന് വിരമിച്ചു. സോഷ്യല്‍ മീഡിയയില്‍ ഇതിനെക്കുറിച്ചുള്ള കുറിപ്പുകളും, കുറേയധികം ആളുകളുടെ അന്വേഷണവും വരുന്നതുകൊണ്ടാണ് ഇങ്ങനെയൊരു പോസ്റ്റിടുന്നത്.. പ്രീമെച്വര്‍ ആയിട്ടാണ് സര്‍വ്വീസ് അവസാനിപ്പിച്ചത്. ഞാന്‍ …

കക്കുകളി വിവാദവും മാസ്റ്റർപീസിനെതിരെ ഉയർന്ന പരാതിയും; സർക്കാർ ഉദ്ദ്യോ​ഗം രാജിവച്ച് ഫ്രാന്‍സിസ് നൊറോണ Read More »

വയനാട്: ശരിയായ ചികിത്സ കിട്ടാതെ വയനാട്ടിലെ ഗോത്ര ദമ്പതികളുടെ ആറ് മാസം പ്രായമായ കുഞ്ഞ് മരിച്ച സംഭവത്തിൽ ആരോഗ്യവകുപ്പിന്‍റെ നടപടി. മാനന്തവാടി മെഡിക്കൽ കോളെജിലെ താത്കാലിക ഡോക്‌ടറെ പിരിച്ചുവിട്ടു. ചികിത്സ നൽകുന്നതിൽ ഡോക്‌ടർക്ക് വീഴ്ച വരുത്തിയെന്ന് കണ്ടത്തിയതിനെ തുടർന്നാണ് നടപടി. മാർച്ച് 22 നാണ് വെള്ളമുണ്ട കാരാട്ടുക്കുന്ന് ആദിവാസി കോളനിയിലെ ബീനിഷ്, ലീല ദന്പതികളുടെ 6 മാസം പ്രായമുള്ള കുഞ്ഞ് മരിച്ചത്. അനീമിയയും പോഷകാഹാരക്കുറവും ന്യൂമോണിിയയുമാണ് കുട്ടിയുടെ മരണത്തിന് കാരണം. ഗുരുതരാവസ്ഥയിൽ മെഡിക്കൽ കോളെജിൽ എത്തിച്ച കുഞ്ഞിന് …

ആറ് മാസം പ്രായമായ കുഞ്ഞിന്റെ മരണം; താത്കാലിക ഡോക്‌ടറെ പിരിച്ചുവിട്ടു Read More »

കോഴിക്കോട്: കോഴിക്കോട് വസ്ത്രവ്യാപാരശാലയിൽ വൻതീപിടുത്തം. കല്ലായി റോഡിലെ ജയലക്ഷ്മി ടെക്സ്റ്റൈൽസിലാണു തീപിടുത്തമുണ്ടായത്. പതിനഞ്ചോളം ഫയർ ഫോഴ്സ് യൂണിറ്റുകൾ സ്ഥലത്തെത്തി തീയണയ്ക്കാനുള്ള ശ്രമം തുടരുകയാണ്. രാവിലെ 6.30-ഓടെയാണു തീപിടുത്തമുണ്ടായത്. കെട്ടിടത്തിന്‍റെ പാർക്കിങ് ഏരിയയിലുണ്ടായിരുന്ന രണ്ടു കാറുകൾ കത്തിനശിച്ചിട്ടുണ്ട്. മുകൾനിലയിലാണു തീ പടർന്നതെങ്കിലും, തീഗോളങ്ങൾ താഴേക്കു പതിച്ചാണു കാറുകൾക്കു തീപിടിച്ചത്. ഷോർട്ട് സർക്യൂട്ടാണ് കാരണമെന്നാണു പ്രാഥമിക നിഗമനം. സമീപത്തെ കെട്ടിടങ്ങളിലേക്കു തീ പടരാതിരിക്കാനുള്ള ശ്രമങ്ങൾ തുടരുകയാണ്.

കൊച്ചി: ബോംബ് ഭീഷണി നേരിടേണ്ട സാഹചര്യം വിലയിരുത്താൻ കേരള ഹൈക്കോടതിയിൽ മോക്‌ഡ്രിൽ നടത്തുന്നു. ഏപ്രിൽ ഒന്നിന് ഉച്ചക്ക് രണ്ട് മണിക്കാണ് മോക്‌ഡ്രിൽ. ആദ്യമായാണ് ഹൈക്കോടതിയിൽ ഇത്തരത്തിൽ മോക്‌ഡ്രിൽ സംഘടിപ്പിക്കുന്നത്.