തൊടുപുഴ: യൂത്ത് കോൺഗ്രസ് തൊടുപുഴ ഈസ്റ്റ് മണ്ഡലം കമ്മിറ്റിയുടെ നേതൃത്വത്തിൽ നടത്തപ്പെടുന്ന പുതു വസ്ത്ര വിതരണം ഉത്ഘാടനം യൂത്ത് കോൺഗ്രസ് സംസ്ഥാന അധ്യക്ഷൻ ഷാഫിപറമ്പിൽ നിർവഹിച്ചു. യൂത്ത് കോൺഗ്രസ്സ് തൊടുപുഴ ഈസ്റ്റ് മണ്ഡലം കമ്മിറ്റിയുടെ നേതൃത്വത്തിൽ തീർത്തും നിർധനരായ വീടുകളിൽ സൗജന്യമായി കൂപ്പണങ്ങൾ എത്തിക്കുവാനാണ് കമ്മറ്റി തീരുമാനമെടുത്തിട്ടുള്ളത് “അവരുടെ ചുണ്ടിലും പുഞ്ചിരി വിരിയട്ടെയെന്ന” ഹൃദയസ്പൃക്കായ മുദ്രവാക്യമുയർത്തിയുള്ള ഒരുലക്ഷം രൂപയുടെ ബൃഹത് പദ്ധതിയാണ് ആവിഷ്കരിച്ചിട്ടുള്ളത്.
തീർത്തും നിർധനരായ നൂറ് വിദ്യാർത്ഥികൾക്കാണ് ആയിരം രൂപയുടെ പുതുവസത്രം സമ്മാനമായി യൂത്ത് കോൺഗ്രസ് തൊടുപുഴ ഈസ്റ്റ് മണ്ഡലം കമ്മിറ്റി നൽകുന്നത്. ജാതിമത അതിർവരമ്പുകൾക്കതീതമായി പെരുന്നാൾ സുദിനത്തിൽ തൊടുപുഴ മുനിസിപ്പൽ ഈസ്റ്റ് മണ്ഡലം കമ്മിറ്റിയാണ് പുതുവസ്ത്രം സമ്മാനമായി നൽകി സമൂഹത്തിന് മാതൃകയാവുന്നത്. നൂറു വിദ്യാർഥികൾക്ക് പൂർണ്ണമായും സൗജന്യമായി പുതുവസ്ത്രം സമ്മാനമായി വാങ്ങുവാൻ സാധ്യമായ പർച്ചേസിംഗ് കാർഡ് രൂപത്തിലാണ് സഹായം നൽകുന്നത്. അഭ്രപാളികളിൽ പകർത്തി പൊതുസമൂഹത്തിൽ കുഞ്ഞു ഹൃദയത്തിൽ പോറലേൽക്കാതെയാണ് ഇത് നൽകുവാൻ ഉദ്ദേശിക്കുന്നതെന്നും പൊതുസമൂഹത്തിൽ വൻ സ്വീകാര്യതയാണ് ഈ പദ്ധതിക്ക് ലഭിച്ചതെന്നും തുടർന്നുള്ള ഓണം ക്രിസ്മസ് ദിനങ്ങളിലും ഈ പദ്ധതി തുടരാൻ ആഗ്രഹിക്കുന്നതായും ഭാരവാഹികൾ അറിയിച്ചു.
യൂത്ത് കോൺഗ്രസ് ജില്ലാ പ്രസിഡണ്ട് അരുൺ മാഷ്, കെ.എസ്‌.യു ജില്ലാ പ്രസിഡണ്ട് ടോണി തോമസ്, കെ.എസ്‌.യു നിയുക്ത ജില്ലാ പ്രസിഡണ്ട് നിഥിൻ ലൂക്കോസ്, യൂത്ത് കോൺഗ്രസ് ജില്ലാ ജനറൽ സെക്രട്ടറിമാരായ എബി മുണ്ടക്കൻ, ബിലാൽ സമദ്, യൂത്ത് കോൺഗ്രസ് ബ്ലോക്ക് പ്രസിഡണ്ട് അനീഷ്, കെ.എസ്‌.യു സംസ്ഥാന സെക്രട്ടറി അസ് ലം ഓലിക്കൻ,കെ.എസ്‌.യു സംസ്ഥാന സമിതി അംഗം ജോസുകുട്ടി, കോൺഗ്രസ് തൊടുപുഴ ഈസ്റ്റ് മണ്ഡലം പ്രസിഡണ്ട് സജീവ് എന്നിവർ ഉദ്ഘാടന ചടങ്ങിൽ സന്നിഹിതരായിരുന്നു.
യൂത്ത് കോൺഗ്രസ് തൊടുപുഴ ഈസ്റ്റ് മണ്ഡലം പ്രസിഡണ്ട് സാദിഖ് മംഗളാ പറമ്പിൽ നേതൃത്വം നൽകുന്ന പദ്ധതിക്ക് യൂത്ത് കോൺഗ്രസ് ജില്ലാ വൈസ് പ്രസിഡന്റ് അക്‌ബർ ടി എൽ, യൂത്ത് കോൺഗ്രസ് നിയോജകമണ്ഡലം സെക്രട്ടറി ഷാനു ഷാഹുൽ, യൂത്ത് കോൺഗ്രസ് തൊടുപുഴ ഈസ്റ്റ് മണ്ഡലം വൈസ് പ്രസിഡണ്ട് മാരായ അലിയാർ കോണിക്കൽ, റൊസാരിയോ ടോം, തൊടുപുഴ ഈസ്റ്റ് മണ്ഡലം സെക്രട്ടറിമാരായ ഷാനു ഷുക്കൂർ, അൻസാർ മജീദ്, മുനീർ എം.എം എന്നിവർ നേതൃത്വം നൽകിവരുന്നു.
