വണ്ണപ്പുറം: കാളിയാര്‍ മുപ്പത്താറുകവലയിലെ വളവില്‍ കാറും ബസും കൂട്ടിയിടിച്ച് അപകടം. തിങ്കളാഴ്ച രാവിലെ എട്ടരയ്ക്കാണ് അപകടം നടന്നത് തൊടുപുഴയിൽ നിന്നുമെത്തിയ ബസും വണ്ണപ്പുറം ഭാഗത്തു നിന്നുവന്ന കാറും തമ്മിലാണ് കൂട്ടിയിടിച്ചത്.
ബസിന്റ സ്റ്റിയറിങ്ങ്‌ റാഡിന് ഉണ്ടായ തകരാറാണ് അപകട കാരണമെന്ന് ബസിന്റ ഡ്രൈവര്‍ പറഞ്ഞതായി പോലീസ് പറയുന്നു. ബസ് യാത്രക്കാരായ വിദ്യാര്‍ഥികള്‍ ഉള്‍പ്പെടെയുള്ളവര്‍ക്ക നിസ്സാര പരിക്കുണ്ട്.
കാറിലെ യാത്രക്കാര്‍ക്കും സാരമല്ലാത്ത പരിക്കുണ്ട്. ഇവരെ മുതലക്കോടം സ്വകാര്യ ആശുപത്രിയില്‍ പ്രവേശിപ്പിച്ചു.
