തൊടുപുഴ: തോടിനോടു ചേർന്ന് മാലിന്യം കൂട്ടിയിട്ട് കത്തിക്കുന്നതായി പരാതി. കോടിക്കുളം ഐരാംപള്ളിയിൽ വണ്ടമറ്റം വലിയ തോട്ടിലെ വട്ടപ്പറമ്പിൽ പാലത്തിന് ഇരു വശവുമുള്ള സ്വകാര്യ വ്യക്തിയുടെ റബർ തോട്ടത്തിലാണ് ദിവസങ്ങളായി പ്ലാസ്റ്റിക് മാലിന്യം ഉൾപ്പെടെയുള്ള അജൈവ മാലിന്യങ്ങളും ഭക്ഷണാവശിഷ്ടങ്ങളും കൂട്ടിയിട്ട് കത്തിക്കുന്നതായി പരാതി ഉയർന്നത്. നാട്ടുകാരുടെ പരാതിയെ തുടർന്ന് കോടിക്കുളം പഞ്ചായത്തിൽ നിന്നും കുടുംബാരോഗ്യ കേന്ദ്രത്തിൽ നിന്നും ജീവനക്കാരെത്തി സ്ഥലത്ത് പരിശോധന ന ടത്തി. തുടർന്ന് മാലിന്യം കത്തിച്ചവർക്കെതിരെ നടപടി സ്വീകരിക്കുമെന്ന് പഞ്ചായത്തധികൃതർ പറഞ്ഞു.
തോടിനോടു ചേർന്ന് അജൈവ മാലിന്യം കത്തിക്കുന്നു, പരാതിയുമായി നാട്ടുകാർ, നടപടി സ്വീകരിക്കുമെന്ന് പഞ്ചായത്തധികൃതർ അറിയിച്ചു
