തൊടുപുഴ: കേരളാ സ്റ്റേറ്റ് ഇലക്ട്രോണിക് ടെക്നീഷ്യൻസ് അസോസിയേഷൻ ഇടുക്കി ജില്ലാ സമ്മേളനവും സിൽവർ ജൂബിലി ആഘോഷവും ഒക്ടോബർ 31ന് രാവിലെ 11ന് തൊടുപുഴ പാപ്പൂട്ടി ഹാൾ ഓഡിറ്റോറിയത്തിൽ നടക്കും. സംസ്ഥാന ജനറൽ സെക്രട്ടറി സതീശൻ എസ് ഉദ്ഘാടനം നിർവ്വഹിക്കും.
ജില്ലാ പ്രസിഡൻ് ജഗൻ ജോർജ് അധ്യഷത വഹിക്കും. സംസ്ഥാന ട്രഷറൻ സാജൻ ചാണ്ടി, സംസ്ഥാന സെക്രട്ടറി ജോഷി ഒ.ജെ, റീജിയണൽ സെക്രട്ടറി ദാമോദരൻ തൃശൂർ തുടങ്ങയ പ്രമുഖ നേതാക്കൾ എന്നിവർ പങ്കെടുക്കും. ജില്ലയിലെ ടെക്നിക്കൽ രംഗത്ത് പ്രവർത്തിക്കുന്ന മുതിർന്ന അംഗങ്ങളെയും 2024ൽ എസ്.എസ്.എൽ.സി, പ്ലസ്.ടു പരീക്ഷകളിൽ വിജയികളായ കുട്ടികളെയും മറ്റ് മേഖലകളിൽ പ്രശസ്തി തെളിയിച്ച ടെക്നീഷ്യമാരേയും ആദരിക്കും.
തുടർന്ന് സമ്മാന കൂപ്പണിൻ്റെ നറുക്കെടുപ്പും നടത്തും. അതിന് ശേഷം വാർഷിക പൊതുയോഗവും ജില്ലാ സെക്രട്ടറി ജസ്റ്റിൻ മാത്യു റിപ്പോർട്ടും ജില്ലാ ട്രഷറർ ആൻ്റണി കെ.ജെ കണക്കുകളും അവതരിപ്പിക്കും. പിന്നീട് ജില്ലാ ഭരണസമിതിയിലേക്കുള്ള തിരഞ്ഞെടുപ്പും നടക്കും.
