തിരുവനന്തപുരം: കേന്ദ്ര ഗതാഗത മന്ത്രാലയത്തിൻറെ കീഴിലുള്ള വാഹൻ പോർട്ടൽ കഴിഞ്ഞ 22 മുതൽ സാങ്കേതിക കാരണങ്ങളാൽ പ്രവർത്തന രഹിതമായതായി മോട്ടർ വാഹന വകുപ്പ്(എം.വി.ഡി). ഈ സാഹചര്യത്തിൽ ഇന്നുവരെയുള്ള കാലയളവിൽ പുക പരിശോധന സർട്ടിഫിക്കറ്റിൻറെ കാലാവധി അവസാനിച്ച വാഹനങ്ങളുടെ മേൽ പിഴ ചുമത്തുന്നത് ഒഴിവാക്കുമെന്ന് എം.വി.ഡി അറിയിച്ചു.
സോഫ്റ്റ്‌വെയറുമായി ബന്ധപ്പെട്ട സർവറിൽ അറ്റകുറ്റപ്പണികൾ നടക്കുന്നതിനാൽ രാജ്യ വ്യാപകമായി ഈ പ്രശ്നം നിലനിൽക്കുന്നുണ്ട്. വ്യാഴാഴ്ച പ്രശ്നം പരിഹരിക്കുമെന്ന് ഗതാഗത വകുപ്പിൻറെ സോഫ്റ്റ്‌വെയറുകൾ കൈകാര്യം ചെയ്യുന്ന നാഷണൽ ഇൻഫോർമാറ്റിക്സ് സെൻറർ അറിയിച്ചതായും എംവിഡി വ്യക്തമാക്കി.
