തിരുവനന്തപുരം: സർവകലാശാല നിയമഭേദഗതി രണ്ടാം ബില്ലിന് ഗവർണറുടെ മുൻകൂർ അനുമതി. കുസാറ്റ്, കെടിയു, മലയാളം സർവകലാശാല നിയമ ഭേദഗതി ബില്ലിനാണ് ഗവർണർ രാജേന്ദ്ര വിശ്വനാഥ് ആർലേക്കർ നിയമസഭയിൽ അവതരിപ്പിക്കാൻ മുൻകൂർ അനുമതി നൽകിയത്. ഈ മാസം 20നായിരിക്കും ഈ ബില്ലിൻറെ അവതരണം.
ചാൻസലറുടെ അധികാരം വെട്ടിക്കുറക്കുന്നു, പ്രോ ചാൻസ്ലറായ ഉന്നതവിദ്യാഭ്യാസമന്ത്രിക്ക് ബില്ലിൽ കൂടുതൽ അധികാരം നൽകുന്നു തുടങ്ങിയ പരാതികൾ നേരത്തെ ഉയർന്നിരുന്നു. നേരത്തെ ഗവർണറുടെ അനുമതി ലഭിക്കാതിരുന്നതിനാൽ ഈ ബില്ലിൻറെ അവതരണം സർക്കാർ മാറ്റിവച്ചിരുന്നു.
തുടർന്ന് കഴിഞ്ഞ ദിവസം നിയമമന്ത്രി രാജ്ഭവനിലെത്തി ഗവർണറോട് വിശദീകരണം നൽകിയതോടെയാണ് ഗവർണർ രണ്ടാം ബില്ലിന് മുൻകൂർ അനുമതി നൽകിയത്.
