ബാംഗ്ലൂരിൽ വാഹനാപകടത്തിൽ കുട്ടികളുൾപ്പെടെ നാല് പേർ മരിച്ചു

ബാംഗ്ലൂർ: ബാംഗ്ലൂരിൽ വാഹനാപകടത്തിൽ നാല് പേർ മരിച്ചു. 16 പേർക്ക് പരുക്ക്. ബംഗളൂരുവിന് സമീപം ഹൊസക്കോട്ടയിൽ ആന്ധ്രാ ആർടിസി ബസും ലോറിയുമാണ് കൂട്ടിയിടിച്ചത്. മരിച്ചവരിൽ 2 കുട്ടികളും ഉൾപ്പെടുന്നുണ്ട്. ആന്ധ്രാ സ്വദേശികളാണ് മരിച്ചത്. വെള്ളിയാഴ്ച പുലർച്ചെയായിരുന്നു അപകടം. ബസ് ലോറിയെ മറികടക്കാൻ ശ്രമിക്കവെ നിയന്ത്രണം വിട്ട് ഇടിക്കുകയായിരുന്നെന്നാണ് വിവരം. തിരുപ്പതിയിൽ നിന്നും ബംഗളൂരുവിലേക്ക് വരികയായിരുന്ന ബസാണ് അപകടത്തിൽപെട്ടത്. ഇടിയുടെ ആഘാതത്തിൽ ബസ് പൂർണമായും തകർന്നു.